കോഴിക്കോട്: ബധിര കലാകാരന്മാര്‍ മാത്രം അഭിനേതാക്കളാകുന്ന മൗനാക്ഷരങ്ങള്‍ എന്ന സിനിമയുടെ പ്രവര്‍ത്തനങ്ങള്‍ക്ക് തുടക്കം. കോഴിക്കോട് ഇന്‍ഡോര്‍ സ്റ്റേഡി യം ഹാളില്‍ നടന്ന ചടങ്ങില്‍ സിനിമയുടെ സ്വിച്ച് ഓണ്‍ കര്‍മം ഐ.എന്‍.എസ് പ്രസിഡന്റ് പി.വി ചന്ദ്രന്‍ നിര്‍വഹിച്ചു.
അഭിനേതാവ് കോഴിക്കോട് നാരായണന്‍ നായര്‍ ആദ്യ ക്ലാപ്പടിച്ചു. അഭിനേതാക്കളായ ഇല്ലിക്കെട്ട് നമ്പൂതിരി, വിനോദ് കോവൂര്‍, കസബ സി.ഐ പി. പ്രമോദ്, പി. ശശിധരന്‍, കെ.കെ പ്രേമന്‍, അഡ്വ.ശ്രീജിത്ത് കുമാര്‍, ഹസീന മായനാട്, ഫിറോസ് വട്ടോളി, മൗനാക്ഷരങ്ങളുടെ സംവിധായകന്‍ ദേവദാസ് കല്ലുരുട്ടി, രഞ്ജിത്ത് കുന്ദമംഗലം, മനോജ് മുത്തേരി, രാജീവ് കൗതുകം സംസാരിച്ചു. താമരശേരി സോഷ്യല്‍ വെല്‍ഫെയര്‍ സൊസൈറ്റി പ്രസിഡന്റ് വി.പി ഉസ്മാന്‍ സ്വാഗതവും സഹസംവിധായകന്‍ ബവീഷ് ബാല്‍ നന്ദിയും പറഞ്ഞു. നാട്ടിന്‍പുറത്തെ ഒരു സാധാരണ കുടുംബത്തിലെ മിടുക്കനായ വിദ്യാര്‍ഥിയെ സംഗീതം പഠിപ്പിക്കാന്‍ വേണ്ടി സ്വന്തം അമ്മ നടത്തുന്ന ശ്രമങ്ങളാണ് ചിത്രത്തിന്റെ ഇതിവൃത്തം.