അരീക്കോട്: ഫുട്‌ബോളിനെ നെഞ്ചിലേറ്റിയവരുടെ നാട്ടിലേക്ക് കാരുണ്യ സ്പര്‍ശവുമായി പന്ത് തട്ടാന്‍ ഒരു കൂട്ടം താരങ്ങളെത്തിയതോടെ ജില്ലയുടെ വിവിധ ഭാഗങ്ങളില്‍ നിന്ന് ആരാധകര്‍ അരീക്കോട്ടേക്ക് ഒഴുകിയെത്തി.
ഇരുവൃക്കകളും തകരാറിലായ മുണ്ടണ്ടമ്പ്ര ഐ.ടി.ഐ സ്വദേശി കൊളക്കണ്ണി മുഹമ്മദലിയുടെ ചികില്‍സാ ധനശേഖരണാര്‍ഥം ഹരിത ക്ലബ് സംഘടിപ്പിച്ച സൗഹൃദ മത്സരത്തിലാണ് കേരള പൊലിസ് വെറ്ററന്‍സിന്റെയും മലപ്പുറം വെറ്ററന്‍സിന്റെയും താരനിര ബൂട്ട് കെട്ടിയത്. കേരള പോലിസിന് വേണ്ടണ്ടി ജിതേഷ് ഗോള്‍വല കാത്തെങ്കിലും തുടക്കം മുതല്‍ അതിവേഗ ഫുട്‌ബോള്‍ പുറത്തെടുത്ത എക്‌സൈസ് ടീമംഗം റഫീഖ് ഹസ്സന്‍ മലപ്പുറം വെറ്ററന്‍സിനായി ആദ്യ ഗോള്‍ നേടി.
മിനുട്ടുകളുടെ വ്യത്യാസത്തില്‍ കേരള പൊലീസ് താരം ഹബീബുറഹ്മാന്‍ മലപ്പുറത്തിന്റെ ഗോള്‍വല കുലുക്കിയെങ്കിലും എസ് ബി ടി താരം ആസിഫ് സഹീര്‍ മൂന്ന് ഗോളുകളാണ് മടക്കി നല്‍കിയത്. കളിയുടെ രണ്ടണ്ടാം പകുതിയില്‍ എം റഷീദ് മിന്നല്‍ഷോട്ടിലൂടെ ഗോള്‍നേടിയെങ്കിലും 4 - 2 എന്ന സ്‌കോറില്‍ മലപ്പുറം മല്‍സരം കൈപിടിയിലൊതുക്കി. ഹംസ എടവണ്ണയാണ് മലപ്പുറത്തിനായി ഗോള്‍വല കാത്തത്.
കേരളാ പൊലിസിനായി സി.വി ശശി, ഹബീബുറഹ്മാന്‍, ബഷീര്‍, കെ രാഗേഷ്, ശശി, മഹബൂബ്, റഷീദ്, സക്കീര്‍ എന്നിവരും ജില്ല വെറ്ററന്‍സിനായി ഒ പി റഷീദ്, ആസിഫ് സഹീര്‍, ജാഫര്‍ മീമാടന്‍, മുജീബ് മുസ്ലിയാരകത്ത്, അബ്ദുസമദ്, ബാപ്പുട്ടി, സുരേന്ദ്രന്‍, സൈതലവി എന്നിവരുമാണ് കളത്തിലിറങ്ങിയത്.