ഓട്ടോറിക്ഷ തകര്‍ന്നുആലക്കോട്: നിയന്ത്രണം വിട്ട ടിപ്പര്‍ ലോറി നിര്‍ത്തിയിട്ട ഓട്ടോറിക്ഷ ഇടിച്ചു തകര്‍ത്തു. മടക്കാട് ടൗണില്‍ ഇന്നലെ രാവിലെ 11ഓടെയായിരുന്നു അപകടം. ഒടുവള്ളി ഭാഗത്ത് നിന്നു വന്ന ടിപ്പര്‍ ലോറി കയറ്റത്തില്‍ നിയന്ത്രണം വിട്ട് അമിത വേഗതയില്‍ പിറകോട്ടു വന്ന് മടക്കാട് സ്റ്റാന്റില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിക്കുകയായിരുന്നു.
ബാലേശുഗിരി സ്വദേശി രൂപേഷിന്റെ ഉടമസ്ഥതയിലുള്ള ഓട്ടോറിക്ഷയാണ് തകര്‍ന്നത്. കൂടുതല്‍ ഓട്ടോറിക്ഷകള്‍ സ്റ്റാന്റില്‍ ഇല്ലാതിരുന്നതിനാല്‍ വന്‍ ദുരന്തം ഒഴിവായി.