മാനന്തവാടി: കര്‍ണാടകയിലെ വിജയത്തില്‍ ആഹ്ലാദം പ്രകടിപ്പിച്ച് കോണ്‍ഗ്രസ് പ്രവര്‍ത്തകര്‍ വിവിധയിടങ്ങളില്‍ ആഹ്ലാദപ്രകടനം നടത്തി. ഇന്ത്യന്‍ ജനാധിപത്യ ചരിത്രത്തിലെ ഏറ്റവും നാണംകെട്ട രാജിയാണ് യെദ്യൂരപ്പയുടേതെന്ന് അവര്‍ അഭിപ്രായപ്പെട്ടു. കര്‍ണാടകയില്‍ ബി.ജെ.പിയില്‍ നിന്ന് കോണ്‍ഗ്രസ്, ജെ.ഡി.എസ് സഖ്യം ഭരണം തിരിച്ച് പിടിച്ചതിലും സൂപ്രിം കോടതിയുടെ അനുകൂലി വിധിയിലും അഹ്ലാദിച്ച് മാനന്തവാടി ടൗണില്‍ കോണ്‍ഗ്രസ് ആഹ്ലാദ പ്രകടനം നടത്തി. പി.വി ജോര്‍ജ്ജ്, എ.എം നിശാന്ത്, ഡെന്നിസണ്‍ കണിയാരം, എ. സുനില്‍കുമാര്‍, എം.പി ശശികുമാര്‍, ഹമീദ് പിലാക്കാവ്, അലക്‌സ് കല്‍പകവാടി, അഷ്‌ക്കര്‍, ഗിരിഷ് കുമാര്‍ എം.കെ, ഷംസീര്‍ അരണപ്പാറ, ശ്യാം, മത്തായി ഇരുമല, സലീം പിലാക്കാവ്, പി ഷംസുദ്ദീന്‍, മുസ്തഫ എള്ളില്‍, ഷാജി പൊന്‍പാറ, മഷൂദ് പി.ടി നേതൃത്വം നല്‍കി.
ഗൂഡല്ലൂര്‍: കര്‍ണാടക നിയമസഭയില്‍ ബി.ജെ.പി പരാജയപ്പെട്ടതില്‍ ആഹ്ലാദം പ്രകടിപ്പിച്ച് ഗൂഡല്ലൂര്‍ കോണ്‍ഗ്രസ് കമ്മറ്റിയുടെ നേതൃത്വത്തില്‍ ആഹ്ലാദപ്രകടനം നടത്തി. അബ്ദുപ്പ, സിനു, സുല്‍ഫികര്‍, ഹംസ ചളിവയല്‍, മുഹമ്മദ് റാഫി, ഹുസൈന്‍, എസ്.കെ രാജു, സി.വി അസ്‌കര്‍, കലൈസെല്‍വന്‍, അസ്‌ലം, വിക്രമം നേതൃത്വം നല്‍കി