കൊച്ചി : ജൂലായ് ഒന്നു മുതല്‍17 വരെ ഒഡിഷയിലെ കട്ടക്കില്‍ നടക്കുന്ന ജൂനിയര്‍ പെണ്‍കുട്ടികളുടെ ദേശീയ ഫുട്‌ബോള്‍ ചാംപ്യന്‍ഷിപ്പിനുള്ള കേരള ടീമിനെ ഇ.ആര്‍ രേഷ്മ (ആലപ്പുഴ) നയിക്കും. അജിത എ (ആലപ്പുഴ), അനുപമ സജി (കണ്ണൂര്‍), വര്‍ഷ ഇ.എം (കോഴിക്കോട്) എന്നിവരാണ് ഗോള്‍ കീപ്പര്‍മാര്‍. ക്യാപ്റ്റന്‍ രേഷ്മ, പി.കെ അപര്‍ണ, വിനീത വിജയന്‍ (ആലപ്പുഴ), അലക്‌സിബ പി സാംസണ്‍ (കോഴിക്കോട്), മഞ്ജു ബേബി, സി രേഷ്മ (കണ്ണൂര്‍), എന്നിവരാണ് ഡിഫന്‍ഡര്‍മാര്‍. ധന്യ വി.ആര്‍, ഉണ്ണിമായ വി, അക്ഷര കെ.എ, ശ്രീവിദ്യ കെ.എം (കോട്ടയം), അശ്വതി കെ.പി (കോഴിക്കോട്) എന്നിവരാണ് മധ്യനിരയിലുള്ളവര്‍. ശ്രീലക്ഷ്മി എ.ജി (കോഴിക്കോട്), അനഘ പി (മലപ്പുറം), സൗപര്‍ണിക ടി (ആലപ്പുഴ), അഞ്ജു എം.എസ് (കോട്ടയം), അശ്വതി പി (കാസര്‍കോട്) എന്നിവരാണ് മുന്നേറ്റ നിരയിലുള്ളവര്‍.
അമൃത അരവിന്ദ് വി (പത്തനംതിട്ട) (എ.എഫ്.സിബി ലൈസന്‍സ്) ആണ് കോച്ച്. എ.ഷഹീര്‍ അസിസ്റ്റന്റ് കോച്ചും, പി.എഫ് ഡേവിസ് മാനേജറുമാണ്. ജൂലായ് മൂന്നിന് പശ്ചിമ ബംഗാളുമായാണ് കേരളത്തിന്റെ ആദ്യത്തെ മത്സരം.