നിലമ്പൂര്‍: ഗുഡ്‌ഹോപ്പ് ഇംഗ്ലീഷ് ഹൈസ്‌കൂളിന്റെ ആഭിമുഖ്യത്തില്‍ ലഹരിവിരുദ്ധ ദിനാചരണത്തിന്റെ ഭാഗമായി ബസ് സ്റ്റാന്‍ഡില്‍ വെച്ച് വിവിധ പരിപാടികള്‍ സംഘടിപ്പിച്ചു. ലഹരി വിരുദ്ധ സന്ദേശത്തില്‍ ഒപ്പ് ചാര്‍ത്തി നഗരസഭ വൈസ് ചെയര്‍മാന്‍ പി.വി ഹംസ ഉദ്ഘാടനം ചെയ്തു. പ്രിന്‍സിപ്പല്‍ എം.അബൂബക്കര്‍ അധ്യക്ഷനായി. സബ് ഇന്‍സ്‌പെക്ടര്‍ അബൂബക്കര്‍ മുഖ്യസന്ദേശം നല്‍കി.
നിലമ്പൂര്‍: പീവീസ് മോഡല്‍ സ്‌കൂളില്‍ എന്‍.എസ്.എസ് യൂനിറ്റും കേരള പൊലിസ് സൈബര്‍ വിഭാഗവുമായി ചേര്‍ന്ന് സെമിനാര്‍ സംഘടിപ്പിച്ചു. പ്രിന്‍സിപ്പല്‍ ഡോ.എ.എം ആന്റണി ഉദ്ഘാടനം ചെയ്തു. സിവില്‍ പൊലിസ് ഓഫീസര്‍ അനീഷ് ചാക്കോ, എക്‌സൈസ് ഇന്‍സ്‌പെക്ടര്‍ ടി.പി.വര്‍ഗ്ഗീസ് എന്നിവര്‍ ക്ലാസെടുത്തു.
നിലമ്പൂര്‍: രാമന്‍കുത്ത് പി.എം.എസ്.എ.യു.പി സ്‌കൂളില്‍ ലഹരിവിരുദ്ധ സൈക്കിള്‍ റാലി സംഘടിപ്പിച്ചു. ലഘുലേഖ വിതരണവും നടത്തി. റാലി പ്രധാനാധ്യാപിക ജെസി മറിയം ഉദ്ഘാടനം ചെയ്തു.
പൂക്കോട്ടുംപാടം: ഹെല്‍ത്ത് ക്ലബിന്റെ ആഭിമുഖ്യത്തില്‍ പൂക്കോട്ടുംപാടം ഗവ ഹയര്‍സെക്കന്‍ഡറി സ്‌കൂളില്‍ ലഹരി വിരുദ്ധ പ്രതിജ്ഞയും ബോധവത്കരണവും നടത്തി. ലഹരിവിരുദ്ധ ജാഥ പ്രധാനാധ്യാപകന്‍ ജി.സാബു ഫ്‌ളാഗ് ഓഫ് ചെയ്തു.