ആലത്തൂര്‍: കാവശ്ശേരി പത്തനാപുരം താജുദ്ദീന്റെ വീട് പൂര്‍ണമായി കത്തി നശിച്ചു. ഫയര്‍ ഫോഴ്‌സും നാട്ടുകാരും തീ അണച്ചു. അടുക്കളയിലെ ഗ്യാസ് സ്റ്റൗവില്‍നിന്നാണ് തീ പടര്‍ന്നത് എന്ന് കരുതുന്നു.
ഇന്നലെ ഉച്ചക്ക് 12 മണിയോടെയാണ് സംഭവം. വീട്ടുകാരെല്ലാം പുറത്തായതിനാല്‍ ആളപായമില്ല.
കത്തുന്നതിന് തൊട്ടു മുമ്പാണ് വീട്ടുകാര്‍ യാതൃശ്ചികമായി പുറത്തിറങ്ങിയത്. അതിനാല്‍ വന്‍ അപകടം ഒഴിവായി.
തകര ഷീറ്റിട്ട വീടാണ് കത്തി നശിച്ചത്. മൂന്നു ലക്ഷം രൂപയുടെ നഷ്ടമുണ്ടെന്ന് കണക്കാക്കുന്നു.