പാലക്കാട്: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ജില്ലയിലെ സര്‍ക്കാര്‍-എയ്ഡഡ് ഹൈസ്‌കൂള്‍- ഹയര്‍സെക്കന്‍ഡറി വിദ്യാലയങ്ങളിലെ അധ്യാപകരുടെ ക്ലസ്റ്റര്‍ യോഗം മാര്‍ച്ച് 24 രാവിലെ 10ന് നടക്കും. അതത് പഞ്ചായത്തുകളിലെ തെരഞ്ഞെടുത്ത ഹയര്‍സെക്കന്‍ഡറി വിദ്യാലയങ്ങളിലാണ് യോഗം നടക്കുന്നത്. നഗരസഭകളിലെയും പഞ്ചായത്തുകളിലെയും ക്ലസ്റ്റര്‍ സെന്ററുകളുടെ വിശദവിവരം ഹെഡ്മാസ്റ്റര്‍മാരുടെ പ്രിന്‍സിപ്പല്‍മാരുടെയും ഇമെയ്‌ലില്‍ പ്രസിദ്ധീകരിച്ചിട്ടുണ്ട്. പൊതു വിദ്യാലയങ്ങള്‍ ആധുനികവത്കരിക്കാനും അക്കാദമിക അന്തരീക്ഷം നവീകരിക്കാനും നടപ്പാക്കുന്ന പദ്ധതികള്‍ ചര്‍ച്ച ചെയ്യും. എല്ലാ സര്‍ക്കാര്‍ എയ്ഡഡ് സ്‌കൂള്‍ അധ്യാപകരും ക്ലസ്റ്റര്‍ യോഗത്തില്‍ പങ്കെടുക്കണമെന്ന് അറിയിച്ചു.