കട്ടാങ്ങല്‍: കുത്തഴിഞ്ഞ ജീവിത ക്രമങ്ങള്‍ക്കിടയില്‍ ആത്മ വിചാരത്തിന്റെ നാളുകളാണ് വിശുദ്ധ റമദാന്‍ മാസമെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍ പ്രസ്താവിച്ചു. ആസക്തികള്‍ക്കെതിരെ ആത്മസമരം നടത്താന്‍ വിശ്വാസി സമൂഹം തയ്യാറാവണമെന്ന് തങ്ങള്‍ കൂട്ടിച്ചേര്‍ത്തു.
മലയമ്മയില്‍ നടക്കുന്ന എസ്.കെ.എസ്.എസ്.എഫ് റമദാന്‍ പ്രഭാഷണം മലയമ്മയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഉമ്മ സ്വര്‍ഗമാണ് എന്ന വിഷയത്തില്‍ ജലീല്‍ റഹ്മാനി വാണിയന്നൂര്‍ മതപ്രഭാഷണം നടത്തി.
പി. മൊയ്തു ഹാജി അധ്യക്ഷനായി. കെ.സി സുബൈര്‍ ബാഖവി പ്രാര്‍ഥന നടത്തി. ഇബ്രാഹിം ഫൈസി മലയമ്മ, പി.സി മുഹമ്മദ് ഫൈസി, യൂസഫ് ഫൈസി വെണ്ണക്കോട്, അബു മൗലവി അമ്പലക്കണ്ടി, ടി.ടി അസീസ് മുസ്‌ലിയാര്‍, വി.വി അബ്ദുല്ല മസ്‌ലിയാര്‍, സാലിം അശ്അരി പുള്ളാവൂര്‍, സലാം മലയമ്മ സംബന്ധിച്ചു.
കുഞ്ഞിമരക്കാര്‍ സ്വാഗതവും റാഷിദ് അശ്അരി നന്ദിയും പറഞ്ഞു. ഇന്ന് മതില്‍ക്കെട്ടിനപ്പുറത്തെ അയല്‍വാസി എന്ന വിഷയത്തില്‍ അഡ്വ. ഓണമ്പിള്ളി മുഹമ്മദ് ഫൈസി പ്രഭാഷണം നടത്തും. നാളെ വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കുന്ന ദുആ സമ്മേളനത്തോട് കൂടി സമാപിക്കും,