തൃക്കരിപ്പൂര്‍: മത്സരിച്ചോടുന്ന ബസുകള്‍ തൃക്കരിപ്പൂര്‍ ബസ് സ്റ്റാന്‍ഡില്‍ കയറുന്നില്ല. ബസ് സ്റ്റാന്‍ഡില്‍ ബസ് കാത്തു നില്‍ക്കുന്ന യാത്രക്കാര്‍ ബസ് പുറത്തുവന്നു നില്‍ക്കുമ്പോള്‍ ബസിനുപിറകെ ഓടണം. ഇതില്‍ സ്ത്രീകളും കുട്ടികളും പ്രായമായവരും എല്ലാവരും ഉണ്ടാകും. ഇതു അപകടം ക്ഷണിച്ചു വരുത്തുമെന്നാണ് ആശങ്ക. ബീരിച്ചേരി റെയില്‍വെ ഗേറ്റില്‍ കുടുങ്ങുന്ന ബസുകളാണ് ഇത്തരത്തില്‍ സ്റ്റാന്‍ഡില്‍ കയറാന്‍ മടികാണിക്കുന്നത്. സ്ഥലത്ത് ഹോംഗാര്‍ഡ് ഉണ്ടാവുമെങ്കിലും നടപടിയൊന്നും ഉണ്ടാകാറില്ലെന്നാണ് ആരോപണം.