മനാമ: മസ്ജിദുകളുടെ നിര്‍മാണത്തിലെ ആര്‍ക്കിടെക്ചര്‍ മികവിന് നല്‍കുന്ന അബ്ദുള്‍ലത്തീഫ് അല്‍ ഫോസണ്‍ പുരസ്‌കാരം ബഹ്‌റൈനിലെ അര്‍ക്യാപിറ്റ മോസ്‌ക്കിന് ലഭിച്ചു.

പുരസ്‌കാരത്തിനായി നിര്‍ദ്ദേശിച്ചിരുന്ന ജിസിസി രാജ്യങ്ങളിലെ 122 പള്ളികളില്‍നിന്നാണ് അര്‍ക്യാപിറ്റ മോസ്‌ക്ക് ഈ പുരസ്‌കാരം സ്വന്തമാക്കിയത്.

കെട്ടിടത്തിന്റെ പരമ്പരാഗത ഇസ്‌ലാമിക തനിമ വിളിച്ചോതുന്നതും ഭംഗി നിറഞ്ഞതുമായ നൂതന നിര്‍മാണ രീതികളും ഡിസൈനുകളും കണക്കിലെടുത്താണ് പുരസ്‌കാരം.

മനാമയിലെ ബഹ്‌റൈന്‍ ബേയിലുള്ള സ്‌കിഡ്‌മോര്‍ ഓവിങ്‌സ് ആന്‍ഡ് മെറില്‍ (എസ്ഒഎം) ആണ് പള്ളി ഡിസൈന്‍ ചെയ്തത്.

പള്ളിയുടെ മൂന്നുവശങ്ങളില്‍നിന്നു സ്വാഭാവികമായ വെളിച്ചം ഉള്ളില്‍ കടക്കുന്ന നിലയിലുള്ളതാണ് പള്ളിയുടെ രൂപകല്‍പന.