തുറവൂര്‍: തല ചായ്ക്കാന്‍ ഇടമോ സ്വന്തമായി റേഷന്‍ കാര്‍ഡോ ഇല്ലാത്ത ദമ്പതികള്‍ ചികിത്സാ സഹായം തേടുന്നു. തുറവൂര്‍ കിഴക്ക് പോത്രാട്ട് വീട്ടിലെ വിജയനാഥും ഭാര്യ പുഷ്പകുമാരി (60)യുമാണ് സുമനസുകളുടെ സഹായം തേടുന്നത്.
വര്‍ഷങ്ങളായി വിജയനാഥും ഭാര്യ പുഷ്പകുമാരിയും തിരുപ്പൂരില്‍ ചെറിയ ജോലി ചെയ്തു വാടക വീട്ടില്‍ താമസിക്കുകയായിരുന്നു. അവിടെവച്ച് പുഷ്പകുമാരിക്ക് തലച്ചോറിനെ ബാധിച്ച അസുഖമാണ് ദുരിതമായി മാറിയത്. തിരുപ്പൂരിലും ആലപ്പുഴ, കോട്ടയം മെഡിക്കല്‍ കോളേജുകളിലും മറ്റും ചികിത്സകള്‍ നടത്തി. ഇപ്പോള്‍ തിരുവനന്തപുരം ശ്രീ ചിത്ര ആശുപത്രിയില്‍ പ്രവേശിപ്പിച്ചിരിക്കുകയാണ്. ഇവര്‍ക്ക് മക്കളൊന്നും ഇല്ല. തലച്ചോറിലെ പ്രശ്‌നങ്ങള്‍ മൂലം ഓര്‍മ്മക്കുറവും ഒരു വശം തളര്‍ച്ചയുമുണ്ടായി.  
വിവിധ സ്‌കാനുകള്‍ക്കും ടെസ്റ്റുകള്‍ക്കും  വിദഗ്ധ ചികിത്സയ്ക്കുീ മറ്റുമായി ലക്ഷക്കണക്കിന് രൂപ ചെലവുവരുമ്പോള്‍ ഭക്ഷണത്തിനുള്ള വഴി പോലുമില്ലാത്ത ദയനിയ സ്ഥിതിയിലാണ് ദമ്പതിമാര്‍. ഒരു സെന്റ് ഭൂമിയോ റേഷന്‍ കാര്‍ഡോ ഇല്ലാത്തതിനാല്‍ മറ്റു ആനുകൂല്യങ്ങളൊന്നും ലഭിക്കുന്നില്ല. ഇവരെ സംരക്ഷിക്കാന്‍ തുറവൂറിലെ നാട്ടുകാര്‍  ജനപ്രതിനിധികളുടെ സഹകരണത്തോടെ എസ്.ബി.ഐ.ആലപ്പുഴ ദേശീയപാത ശാഖയില്‍  30673825842 നമ്പരില്‍ അക്കൗണ്ട് തുറന്നിട്ടുണ്ട് (ഐ.എഫ്.എസ്.സി. കോഡ്. എസ്.ബി.ഐ.എന്‍.0008589) ഫോണ്‍: 938756 3525.