കോഴിക്കോട്: റെയില്‍വേ പ്ലാറ്റ് ഫോമുകളിലും ട്രെയിനുകളിലും ചാര്‍ജില്‍ വയ്ക്കുന്ന മൊബൈല്‍ ഫോണുകള്‍ മോഷ്ടിക്കുന്ന ഇടുക്കി പുതുക്കാട് പാറക്കല്‍ വീട്ടില്‍ ഷംസുദ്ദീനെ(28) റെയില്‍വേ പൊലിസ് അറസ്റ്റ് ചെയ്തു. ഇന്നലെ രാവിലെ കോഴിക്കോട് റെയില്‍വെ പ്ലാറ്റ് ഫോമില്‍ ചാര്‍ജിലിട്ട ഫോണ്‍ മോഷ്ടിക്കുന്നതിനിടെ പട്രോളിങ് ഡ്യൂട്ടിയിലുണ്ടായിരുന്ന റെയില്‍വേ പൊലിസ് സ്‌റ്റേഷന്‍ എസ്.ഐ ബി.കെ സിജുവും സംഘവുമാണ് പ്രതിയെ പിടികൂടിയത്.
വിലകൂടിയ ഫോണുകള്‍ മോഷ്ടിച്ച് ഞായറാഴ്ച ചന്തകളില്‍ കുറഞ്ഞ വിലയ്ക്ക് വില്‍ക്കുന്നതാണ് പ്രതിയുടെ രീതി. ഷംസുദ്ദീനെ കോടതിയില്‍ ഹാജരാക്കി റിമാന്‍ഡ് ചെയ്തു.