ലക്‌നോ: നേര്‍വഴിക്കു പോവാത്ത പൊലിസിന് മുഖ്യമന്ത്രിയുടെ ശിക്ഷ. സംസ്ഥാനത്തെ നൂറിലധികം പൊലിസുകാര്‍ക്ക് സസ്‌പെന്‍ഷന്‍. ക്രമസമാധാന പാലനം ശക്തമാക്കാനുള്ള യുപി മുഖ്യമന്ത്രി ആദിത്യനാഥിന്റെ കര്‍ശന നിര്‍ദേശത്തിന് പിന്നാലെയാണ് നടപടി.
ഗാസിയാബാദ്, മീററ്റ്, നോയിഡ തുടങ്ങിയ സ്‌റ്റേഷനുകളിലെ പൊലിസുകാരാണ് നടപടിക്കു വിധേയരായതില്‍ ഭൂരിഭാഗവും. ലക്‌നോവില്‍ ഏഴ് ഇന്‍സ്‌പെക്ടര്‍മാരേയും സസ്‌പെന്‍ഡ് ചെയ്തിട്ടുണ്ട്. പുറത്താക്കപ്പെട്ടവരില്‍ കോണ്‍സ്റ്റബിള്‍മാരാണ് കൂടുതലെന്ന് യു.പി പൊലിസ് പി.ആര്‍.ഒ രാഹുല്‍ ശ്രീവാസ്തവ അറിയിച്ചു.