തുറവൂര്‍: സ്റ്റുഡിയോ ഉടമയായ യുവതിയെ അശ്ലീല ദൃശ്യങ്ങള്‍ കാണിച്ച യുവാവ് പിടിയില്‍.
സംഭവവുമായി ബന്ധപ്പെട്ട് പള്ളിപ്പുറം സ്വദേശി യദുവിനെ കുത്തിയതോട് പൊലിസ് അറസ്റ്റ് ചെയ്തു.കഴിഞ്ഞ ദിവസം വൈകിട്ടായിരുന്നു സംഭവം.
വിവാഹ ഫോട്ടോ സി.ഡി.യിലാക്കാനെത്തിയ യുവാവ് യുവതിയെ മൊബൈലിലെ അശ്ലീല ദൃശ്യങ്ങള്‍ കാട്ടിയ ശേഷമാണ് സി.ഡി.യില്‍ ആക്കാമോയെന്ന് അന്വേഷിക്കുകയായിരുന്നു.
തുറവൂര്‍ കവലയ്ക്ക് കിഴക്ക് സ്റ്റുഡിയോ നടത്തുന്ന യുവതി സമീപത്ത് കടയിലുണ്ടായിരുന്നവരെ വിവരം അറിയിച്ചതോടെ ഇയാള്‍ ബൈക്കില്‍ സ്ഥലം വിടുകയായിരുന്നു.
പിന്നീട് തുറവുര്‍ കവലയില്‍ നിന്നാണ് ഇയാളെ പൊലിസ് പിടികൂടിയത്.