കൊല്ലം: കൊല്ലം ചിന്നക്കടയില്‍ വന്‍ തീപ്പിടിത്തം. പത്തോളം കടകള്‍ കത്തിനശിച്ചതായാണ് വിവരം. പുലര്‍ച്ചെ 5.15ഓടെയാണ് തീപ്പിടിത്തമുണ്ടായത്. സമീപത്തെ കടകളിലേക്കും തീ പടര്‍ന്നിട്ടുണ്ട്. അഗ്നിശമനസേനയുടെ ആറ് യൂണിറ്റുകള്‍ എത്തിയാണ് തീ നിയന്ത്രണവിധേയമാക്കിയതായി അധികൃതര്‍ അറിയിച്ചു. തീപ്പിടിത്തത്തില്‍ ലക്ഷങ്ങളുടെ നഷ്ടമുണ്ടായതായി വ്യാപാരികള്‍ അറിയിച്ചു.

തീപ്പിടിക്കാനുള്ള കാരണമെന്തെന്ന് വ്യക്തമല്ല. ഷോര്‍ട്ട് സര്‍ക്യൂട്ടായിരിക്കാം കാരണമെന്നാണ് അധികൃതരുടെ പ്രാഥമിക നിഗമനം. ആര്‍ക്കും ജീവഹാനി സംഭവിച്ചതായി റിപ്പോര്‍ട്ടില്ല.

തീപ്പിടിത്തത്തില്‍ പായിക്കടയിലെ ഓടിട്ട കെട്ടിടങ്ങളാണ് അഗ്നിക്കിരയായതില്‍ അധികവും. അഗ്നിശമന സേനയും പൊലിസും നാട്ടുകാരും ചേര്‍ന്ന് ഒന്നര മണിക്കൂര്‍ നേരത്തെ പരിശ്രമത്തിനൊടുവിലാണ് തീയണച്ചത്.

[caption id="attachment_278223" align="alignnone" width="620"] കൊല്ലം ചിന്നക്കടയിലുണ്ടായ തീപ്പിടിത്തത്തിന്റെ ദൃശ്യങ്ങള്‍[/caption]