കോതമംഗലം: റോഡില്‍ വീണ മണലില്‍ തെന്നി ഇരുചക്രവാഹനങ്ങള്‍ അപകടത്തില്‍പ്പെട്ടു.
ഫയര്‍ഫോഴ്‌സിന്റെ സമയോചിത ഇടപെടല്‍ മൂലം കൂടുതല്‍ വാഹനങ്ങള്‍ അപകടത്തില്‍പ്പെടുന്നത് ഒഴിവായി.
കോതമംഗലം തട്ടേക്കാട് റോഡില്‍ മലയന്‍കീഴ് വളവില്‍ ആണ് അപകടങ്ങള്‍ ഉണ്ടായത്. ഏതോ വാഹനത്തില്‍ നിന്നും റോഡില്‍ വീണ മണലില്‍ തെന്നി ഇരുചക്രവാഹനങ്ങള്‍ മറിയുന്ന അവസ്ഥയായിരുന്നു.
നാട്ടുകാര്‍ അറിയിച്ചതിനേ തുടര്‍ന്നാണ് കോതമംഗലത്ത് നിന്ന് ഫയര്‍ഫോഴ്‌സ് സംഘമെത്തിയത്. ലീഡിംഗ് ഫയര്‍മാന്‍ അനില്‍കുമാര്‍ ഫയര്‍മാന്‍മാരായ ഷംസുദിന്‍, സിദ്ദിഖ് ഇസ്മായില്‍, സാനു, അന്‍സര്‍, നിഷാദ് എന്നിവരടങ്ങുന്ന സംഘം റോഡിലെ മണല്‍ നീക്കം ചെയ്ത് അപകട സാധ്യതകള്‍ പരിഹരിച്ചത്.