തൊടുപുഴ: നഗരത്തില്‍ പാര്‍ക്ക് ചെയ്ത ബൈക്ക് മോഷണംപോയ കേസില്‍ പിടിയിലായ പ്രതിയുമായി തെളിവെടുപ്പ് നടത്തി. വൈക്കം പൊലിസിന്റെ പിടിയിലായ അഞ്ചിരി കുന്നേല്‍ രതീഷിനെയാ(28)ണ് തൊടുപുഴ പൊലിസ് കസ്റ്റഡിയില്‍ വാങ്ങി തെളിവെടുത്തത്.
കളരിക്കല്‍ ലോഡ്ജിനു സമീപമുള്ള ആക്‌സ് മെന്‍സ് പാലസില്‍ ജോലി ചെയ്യുന്ന അങ്കംവെട്ടി സ്വദേശി സുജിത്തിന്റെ പാഷന്‍ പ്ലസ് ബൈക്കാണ് കഴിഞ്ഞ ദിവസം രതീഷ് കടത്തിയത്. ബൈക്ക് നഷ്ടപ്പെട്ടതിനെ തുടര്‍ന്ന് തൊടുപുഴ പോലിസ് വിവിധ സ്‌റ്റേഷനുകളിലേക്ക്് വിവരം കൈമാറിയിരുന്നു. വൈക്കം പൊലിസ് പട്രോളിങ് നടത്തുന്നതിനിടെ ബൈക്കിലെ നമ്പര്‍ പ്ലേറ്റില്‍ തിരുത്തല്‍ നടത്തിയതായി സംശയം തോന്നി പരിശോധിച്ചപ്പോഴാണ് മോഷ്ടിച്ചതാണെന്ന് മനസിലാവുന്നത.് തുടര്‍ന്ന് പ്രതിയെ അറസ്റ്റ് ചെയ്യുകയായിരുന്നു. രതീഷിന്റെ പേരില്‍ വൈക്കം, കോട്ടയം പൊലിസ് സ്‌റ്റേഷനുകളില്‍ ഓരോ കേസുകളുണ്ട്. തൊടുപുഴ ഉണ്ടപ്ലാവില്‍ നിന്ന് വാഹനം മോഷ്ടിച്ച കേസിലും ഇയാള്‍ പ്രതിയാണെന്ന് പൊലിസ് പറഞ്ഞു.