തിരൂരങ്ങാടി: വീടിന്റെ തറയ്ക്കുള്ളില്‍ അണലിക്കുഞ്ഞുങ്ങളെ കണ്ടെത്തി. ചെമ്മാട് ടൗണ്‍ മസ്ജിദ് റോഡ് എം.എന്‍ മൊയ്തീന്റെ വീട്ടില്‍നിന്ന് ഇന്നലെ രാവിലെ പത്തിനാണ് 20 സെന്റീമീറ്ററോളം നീളമുള്ള പതിനെട്ട് അണലിക്കുഞ്ഞുങ്ങളെ പിടികൂടിയത്.
മുറ്റത്തിലൂടെ വഴിനടക്കുന്നവരാണ് പാമ്പിന്‍കുഞ്ഞുങ്ങളെ കണ്ടത്. പിന്നീടു നടത്തിയ തെരച്ചിലില്‍ ഇവ വീടിന്റെ തറയിലെ മാളത്തിലൂടെ പുറത്തേക്കുവരികയായിരുന്നു. മാളത്തില്‍ വലിയ പാമ്പിനെ കണ്ടെങ്കിലും പിടികൂടാനായില്ല. അണലിക്കുഞ്ഞുങ്ങളെ തിരൂരങ്ങാടി പൊലിസിനു കൈമാറി.