പാറക്കടവ്: അനധികൃതമായി വാഹനങ്ങള്‍ റോഡില്‍ പാര്‍ക്ക് ചെയ്യുന്നത് പാറക്കടവിലെ ഗതാഗതക്കുരുക്ക് രൂക്ഷമാക്കുന്നു. വീതി കുറഞ്ഞ റോഡില്‍ ഓട്ടോറിക്ഷയും മറ്റു വാഹനങ്ങളും പാര്‍ക്ക് ചെയ്യുന്നതാണ് ഇതിന് കാരണം.
പലരും അലക്ഷ്യമായി വാഹനം നിര്‍ത്തി പോകുന്നതും കുരുക്കിന് കാരണമാകുന്നുണ്ട് . നാദാപുരം, കടവത്തൂര്‍, കലിക്കേണ്ടി, വളയം ഭാഗങ്ങളിലേക്ക് ഇടതടവില്ലാതെ വാഹനങ്ങള്‍ കടന്ന് പോകുന്ന റോഡില്‍ മണിക്കൂറുകളോളം ഗതാഗതം തടസപ്പെടുന്നുണ്ട്.
ഹോം ഗാര്‍ഡിന് പലപ്പോഴും തടസങ്ങള്‍ നിയന്ത്രിക്കാന്‍ പറ്റാത്ത അവസ്ഥയാണ്.
കണ്ണൂര്‍ എയര്‍പോര്‍ട്ടിലേക്കുള്ള ദേശീയ പാത ഇതുവഴി കടന്നു പോകുന്നതോടെ പ്രശ്‌നത്തിന് പരിഹാരമാക്കുമെന്ന പ്രതീക്ഷയിലാണ് നാട്ടുകാര്‍.