കോട്ടത്തറ: തെക്കുംതറ അമ്മസഹായം യു.പി സ്‌കൂളിന് വിശ്വശാന്തി ഫൗണ്ടേഷന്റെ പ്രഥമ പുരസ്‌കാരം ഭരത് മോഹന്‍ലാല്‍ സമ്മാനിച്ചു.
ഏറ്റവും കൂടുതല്‍ എസ്.ടി വിഭാഗത്തില്‍പ്പെട്ട യു.പി സ്‌കുള്‍ എന്ന നിലയില്‍ സ്മാര്‍ട്ട് കംപ്യൂട്ടര്‍ ലാബ് നിര്‍മിക്കുന്നതിനായി രണ്ടു ലക്ഷം രൂപയുടെ പുരസ്‌കാരമാണ് വിശ്വശാന്തി ട്രസ്റ്റിന്റെ ആഭിമുഖ്യത്തില്‍ നല്‍കിയത്. കൊച്ചി ഭാസ്‌കരീയം ഓഡിറ്റോറിയത്തില്‍ നടന്ന ചടങ്ങില്‍ സ്‌കൂള്‍ വിദ്യാര്‍ഥികളും, പി.ടി.എ മാനേജ്‌മെന്റും ചേര്‍ന്ന് പുരസ്‌കാരം ഭരത് മോഹന്‍ലാലില്‍ നിന്നും ഏറ്റു വാങ്ങി.