മനാമ: ലണ്ടന്‍ ആസ്ഥാനമായി പ്രവര്‍ത്തിക്കുന്ന ബഹ്‌റൈന്‍ വിരുദ്ധ വാര്‍ത്താ ചാനലിനും വെബ്‌സൈറ്റിനും ബഹ്‌റൈനില്‍ നിരോധനമേര്‍പ്പെടുത്തി. ബഹ്‌റൈനിലും ഗള്‍ഫ് രാഷ്ട്രങ്ങളിലും പ്രശ്‌നങ്ങള്‍ സൃഷ്ടിക്കാറുള്ള ഇറാനിയന്‍ ഭരണത്തിനു കീഴിലുള്ള അറബിക് മീഡിയയുടെ ശാഖയായി പ്രവര്‍ത്തിക്കുന്നതാണ് നിരോധിക്കപ്പെട്ട ചാനലും വെബ്‌സൈറ്റും. മേഖലയിലെ സുരക്ഷ മുന്‍നിര്‍ത്തിയാണ് നിരോധനമേര്‍പ്പെടുത്തിയതെന്ന് ബന്ധപ്പെട്ടവര്‍ അറിയിച്ചു.

സിറിയയിലും ജി.സി.സി രാജ്യങ്ങളിലുമുണ്ടാകുന്ന വാര്‍ത്തകള്‍ വളച്ചൊടിച്ച് റിപ്പോര്‍ട്ട് ചെയ്യുന്നെന്ന പേരില്‍ മുന്‍പും ഈ മാധ്യമത്തിനെതിരെ വിമര്‍ശനങ്ങള്‍ ഉയര്‍ന്നിരുന്നു. 2011 ജൂലൈ മുതല്‍ ബ്രിട്ടീഷ് അധികൃതരും ഈ മാധ്യമത്തിന് നിരോധനമേര്‍പ്പെടുത്തിയിരുന്നു.