തുറവൂര്‍: തുറവുര്‍ തെക്ക് പെട്ടി ഓട്ടോയുടെ പിന്നില്‍ ലോറിയിടിച്ചു. രണ്ട് പേര്‍ക്ക് പരുക്കേറ്റു. ഒരാളുടെ നില ഗുരുതരം. ദേശീയപാതയില്‍ തുറവൂര്‍ പഞ്ചായത്ത് ഓഫിസിന് വടക്ക് ഭാഗത്ത് ഇന്നലെ പകല്‍ ഒന്നിനായിരുന്നു അപകടം.
ഗുരുതരമായി പരുക്കേറ്റ പെട്ടിഓട്ടോയുടെ ഡ്രൈവര്‍ എറണാകുളം ഇളംകുളം കൊറ്റിത്തറ ഗോപാലകൃഷ്‌നെയും സഹായിയേയും ചേര്‍ത്തല താലൂക്കാശുപത്രിയില്‍ പ്രവേശിപ്പിച്ചു. കുത്തിയതോട് എസ്.ഐ എ.എല്‍ അഭിലാഷിന്റെ നേതൃത്വത്തിലുള്ള പൊലിസ് സംഘം സ്ഥലത്തെത്തി നടപടികള്‍ സ്വീകരിച്ചു. ലോറി പൊലിസ് കസ്റ്റഡിയിലെടുത്തു.