നീലേശ്വരം: സി.പി.എം നേതൃത്വത്തിലുള്ള പുഴ ശുചീകരണത്തിന്റെ ഭാഗമായി തേജസ്വിനി പുഴ ശുചീകരിച്ചു. ശുചീകരണ പരിപാടിയുടെ ജില്ലാതല ഉദ്ഘാടനം കാര്യങ്കോട് പി. കരുണാകരന്‍ എം.പിണ്ട നിര്‍വഹിച്ചു. കെ.പി രവീന്ദ്രന്‍ അധ്യക്ഷനായി. എം. രാജഗോപാലന്‍ എം.എല്‍.എ, ജില്ലാ സെക്രട്ടേറിയറ്റംഗം വി.കെ രാജന്‍, നഗരസഭ ചെയര്‍മാന്‍ കെ.പി ജയരാജന്‍, ടി.വി ശാന്ത എന്നിവര്‍ സംസാരിച്ചു.
ജില്ലാ കമ്മറ്റിയംഗങ്ങളായ സി. പ്രഭാകരന്‍, പി. ബേബി എന്നിവര്‍ നേതൃത്വം നല്‍കി. വിവിധ ലോക്കല്‍ കമ്മിറ്റികളുടെ നേതൃത്വത്തില്‍ വിവിധ തീരങ്ങളില്‍ ശുചീകരണം നടത്തി.
പേരോല്‍ ലോക്കല്‍ കമ്മറ്റിയുടെ നേതൃത്വത്തിലാണ് കാര്യങ്കോട് ശുചീകരണം നടന്നത്. കരുവാത്തല മുതല്‍ കാര്യങ്കോട് റെയില്‍വേ പാലം വരെ ശുചീകരിച്ചു.
തൃക്കരിപ്പൂര്‍: സി.പി.എം തൃക്കരിപ്പൂര്‍ ഏരിയ കമ്മിറ്റിയുടെ നേതൃത്തില്‍ കവ്വായി കായലോരം ശുചീകരിച്ചു.
ഇടയിലെക്കാട് പാലം പരിസരത്ത് ഏരിയാ സെക്രട്ടറി ഇ. കുഞ്ഞിരാമന്‍ ഉദ്ഘാടനം ചെയ്തു. പി. ശ്യാമള, വി.വി സജീവന്‍, സി. നാരായണന്‍, രതീഷ് കുതിരുമ്മല്‍ എന്നിവര്‍ സംസാരിച്ചു.
ആയിറ്റിയില്‍ ജില്ലാ കമ്മിറ്റിയംഗം കെ. കുഞ്ഞിരാമന്‍ ഉദ്ഘാടനം ചെയ്തു. ടി.വി കുഞ്ഞികൃഷ്ണന്‍, എം.വി കോമന്‍ നമ്പ്യാര്‍, കെ.വി ജനാര്‍ദനന്‍, എം. രാമചന്ദ്രന്‍, എം.വി സുകുമാരന്‍ എന്നിവര്‍ സംസാരിച്ചു.