ഒറ്റപ്പാലം: വിശ്വാസിയുടെ ഊര്‍ജം വിശുദ്ധ ഖുര്‍ആനാണെന്നും ആഗോള പ്രതിസന്ധികള്‍ക്കുള്ള ഏക പരിഹാരം ഖുര്‍ആനാണെന്നും എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് ഇമ്പിച്ചിക്കോയ തങ്ങള്‍. 'ആസക്തിക്കെതിരെ ആത്മസമരം' റമദാന്‍ കാംപയിനോടനുബന്ധിച്ച് എസ്.കെ.എസ്.എസ്.എഫ് ജില്ലാ സര്‍ഗലയ സമിതി സംഘടിപ്പിക്കുന്ന ഖുര്‍ആന്‍ പാരായണ മത്സരത്തോടനുബന്ധിച്ച് ഒറ്റപ്പാലം മേഖല സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
മണ്ണൂര്‍ കിഴക്കുംപുറം ഹിദായത്തുല്‍ ഇസ്‌ലാം മദ്‌റസയില്‍ നടന്ന പരിപാടിയില്‍ മേഖലാ വൈസ് പ്രസിഡന്റ് ശംസുദ്ധീന്‍ ഫൈസി അധ്യക്ഷനായി. എസ്.വൈ.എസ് മണ്ഡലം പ്രസിഡന്റ് ടി.പി അബൂബക്കര്‍ മുസ്‌ലിയാര്‍ മുഖ്യപ്രഭാഷണം നടത്തി. എസ്.വൈ.എസ് മണ്ഡലം ജനറല്‍ സെക്രട്ടറി പി.എം യൂസുഫ്, ജില്ല ത്വലബാ സെക്രട്ടറി ടി.പി.എ മജീദ് ഫൈസി പാലക്കോട്, സയ്യിദ് ബാസിത്ത് തങ്ങള്‍, മഹല്ല് പ്രസിഡന്റ് സൈതാലി, സെക്രട്ടറി മുഹമ്മദ് റഫീഖ്, മേഖലാ ഭാരവാഹികളായ നാസര്‍ അസ്ഹരി പാലക്കോട്, ഷാഫി മാസ്റ്റര്‍, നിഷാദ് വരോട്, ക്ലസ്റ്റര്‍ പ്രസിഡന്റ് ഫിറോസ് പടിപ്പുരക്കാട്, ശിഹാബ് ഫൈസി, എ.എസ് ഫൈസല്‍, എ. ബാദുഷ സംസാരിച്ചു. മേഖല പ്രസിഡന്റ് സയ്യിദ് സുഹൈല്‍ തങ്ങള്‍ പ്രാര്‍ഥന സദസിന് നേതൃത്വം നല്‍കി. വിജയികള്‍ക്കുള്ള സമ്മാനദാനം എസ്.കെ.എസ്.എസ്.എഫ് ജില്ലാ വൈസ് പ്രസിഡന്റ് സി.കെ മുഷ്താഖ് നിര്‍വഹിച്ചു. ഷാഫി റഹീമി പാവുക്കോണം ഖിറാഅത്ത് നടത്തി. മേഖല സര്‍ഗലയ സെക്രട്ടറി ഫാറൂഖ് പാലക്കോട് സ്വാഗതവും സ്വാഗത സംഘം കണ്‍വീനര്‍ ഷെഫീര്‍ മണ്ണൂര്‍ നന്ദിയും പറഞ്ഞു.