കയ്പമംഗലം: അര്‍ധരാത്രി യുവാവിനെ വീട്ടില്‍ കയറി ആക്രമിക്കാനെത്തിയ രണ്ടംഘ ക്വട്ടേഷന്‍ സംഘത്തെ മതിലകം പൊലിസ് അറസ്റ്റ് ചെയ്തു.
ആലപ്പാട് കുണ്ടോളിക്കടവ് സ്വദേശി നെടുംപുരക്കല്‍ ഷിയാസ്(22), കഴിമ്പ്രം സ്വദേശി ആലക്കല്‍ വീട്ടില്‍ അനന്തകൃഷ്ണന്‍ (21) എന്നിവരെയാണ് എസ്.ഐ. പി.കെ. മോഹിത്തും സംഘവു ചേര്‍ന്ന് പിടികൂടിയത്.
ഞായറാഴ്ച രാത്രി ഒരു മണിയോടെയാണ് സംഭവം. കൂരിക്കുഴി പതിനെട്ടുമുറി സ്വദേശി അര്‍സലിന്റെ വീട്ടിലാണ് സംഭവമുണ്ടായത്.
ആക്രമണ വിവമറിഞ്ഞെത്തിയ പൊലിസ് ക്വട്ടേഷന്‍ സംഘത്തെ കയ്യോടെ പിടികൂടുകയായിരുന്നു.
കഴിഞ്ഞ ദിവസം ബാറില്‍ വച്ച് ചളിങ്ങാട് സ്വദേശി അയ്യൂബ് എന്നയാളുമായി അര്‍സല്‍ വാക്കു തര്‍ക്കമുണ്ടായിരുന്നു.
ഇതിലുള്ള പക വീട്ടാന്‍ അയ്യൂബ് നല്‍കിയ ക്വട്ടേഷനുസരിച്ചാണ് സംഘം അര്‍സലിന്റെ വീട്ടിലെത്തിയതെന്നും പൊലിസ് പറഞ്ഞു.