കോട്ടയം : തിരുവനന്തപുരം ദൂരദര്‍ശന്‍ ഇന്ന് പ്രക്ഷേപണം ചെയ്യുന്ന കൃഷിദര്‍ശന്‍ പരിപാടിയില്‍ വൈകിട്ട് 5.05 മുതല്‍ 5.50 വരെ ആഴ്ചയില്‍ ഒരു ടാപ്പിങ്; ആദായം കുറയാതെ എന്ന വിഷയത്തില്‍ കര്‍ഷകരുടെ ചോദ്യങ്ങള്‍ക്ക് ഇന്ത്യന്‍ റബ്ബര്‍ഗവേഷണകേന്ദ്രം ജോയിന്റ് ഡയറക്ടര്‍ ഡോ. കെ.യു. തോമസ് ഫോണിലൂടെ തല്‍സമയം മറുപടി പറയുന്നു.
ആഴ്ചയില്‍ ഒരു ടാപ്പിങ്; ആദായം കുറയാതെ എന്ന പേരില്‍ റബ്ബര്‍ബോര്‍ഡ് ജൂണ്‍ 10-ന് തുടങ്ങിയ തീവ്രബോധനപരിപാടി കേരളം, തമിഴ്‌നാട്, കര്‍ണാടകം എന്നീ സംസ്ഥാനങ്ങളിലെ വിവിധ കേന്ദ്രങ്ങളില്‍ നടന്നുവരുന്നു. ജൂലൈ 22 വരെ പ്രചാരണ പരിപാടികള്‍ തുടരും. പുതിയ വിളവെടുപ്പുരീതിയായ ആഴ്ചയിലൊരു ടാപ്പിങ് സ്വീകരിക്കുന്ന റബ്ബര്‍കര്‍ഷകര്‍ അതോടൊപ്പമുള്ള ശുപാര്‍ശകള്‍ പൂര്‍ണ്ണമായും അനുവര്‍ത്തിക്കേണ്ടണ്‍താണ്. ഇതു സംബന്ധമായ എല്ലാ സംശയങ്ങള്‍ക്കും ദൂരദര്‍ശന്‍ പരിപാടിയിലേക്ക് വിളിക്കാവുന്നതാണ്.