കോട്ടയം: പ്രണയിച്ച് വിവാഹം കഴിച്ചതിന്റെ പേരില്‍ കൊല്ലപ്പെട്ട കോട്ടയം സ്വദേശി കെവിന്റെ മൃതദേഹം മാന്നാനത്തെ വീട്ടിലെത്തിച്ചു. കോട്ടയം മെഡിക്കല്‍ കോളജ് ആശുപത്രിയില്‍ നിന്നും പോസ്റ്റ്‌മോര്‍ട്ടം പൂര്‍ത്തിയാക്കിയ ശേഷം വിലാപയാത്രയായാണ് മൃതദേഹം വീട്ടിലെത്തിച്ചത്.

മൃതദേഹം ഉച്ചയ്ക്ക് രണ്ടരവരെ പൊതുദര്‍ശനത്തിന് വെക്കും. വൈകീട്ട് മൂന്നു മണിയോടെ സംസ്‌കാര ചടങ്ങുകള്‍ നടക്കും.

പോസ്റ്റ്‌മോര്‍ട്ടം നടക്കുമ്പോള്‍ ആശുപത്രി പരിസരത്ത് വന്‍ജനാവലിയാണ് തടിച്ചുകൂടിയിരുന്നത്. പോസ്റ്റ്‌മോര്‍ട്ടം നടപടികള്‍ തുടങ്ങിയതുമുതല്‍ ആരെയും ഫോറന്‍സിക് വിഭാഗത്തിലേക്ക് കടത്തിവിട്ടിരുന്നില്ല. അതിനിടെ മുന്‍ മന്ത്രിയും കോട്ടയം എം.എല്‍.എയുമായ തിരുവഞ്ചൂര്‍ രാധാകൃഷ്ണനും ചില യൂത്ത് കോണ്‍ഗ്രസ് പ്രവര്‍ത്തകരും അകത്തുകയറിയത് സംഘര്‍ഷത്തിനിടയാക്കി.