കണ്ണൂര്‍: അസഹിഷ്ണതക്കെതിരെയുള്ള പ്രതിരോധവുമായി ലൈബ്രറി കൗണ്‍സില്‍ അക്ഷരായനം കലാജാഥ ഒരുങ്ങുന്നു. സ്വതന്ത്ര ചിന്തയും എഴുത്തും സംരക്ഷിക്കുക, വൈദ്യുത സുരക്ഷയും ജല സുരക്ഷയും നാടിന്റെ നന്‍മയ്ക്ക് എന്നീ സന്ദേശങ്ങള്‍ ഉയര്‍ത്തിയാണ് കലാജാഥ പര്യടനം നടത്തുന്നത്. പ്രദീപ് മണ്ടൂര്‍ രചനയും സംവിധാനവും നിര്‍വഹിച്ച നാടകവും രവീന്ദ്രന്‍ ചന്തപ്പുരയുടെ സംഗീത ശില്‍പ്പവുമടങ്ങിയ പരിപാടിയില്‍ പ്രകാശന്‍ ചെങ്ങല്‍, സുധീര്‍ബാബു കരിങ്കല്‍ക്കുഴി, പ്രകാശന്‍ തൈക്കണ്ടി, ബിജു ആന്റണി, അര്‍ജുന്‍ കല്ല്യാട്, രനിത്ത് കുഞ്ഞിമംഗംലം, അനീഷ് തില്ലങ്കേരി, ജില്‍ന പ്രജീഷ്, ശരണ്യ നിത്യാനന്ദ് എന്നിവരാണ് വേഷമിടുന്നത്. ജില്ലാ സെക്രട്ടറി പി.കെ ബൈജു നയിക്കുന്ന ജാഥ ഏപ്രില്‍ ഒന്നിന് കൊടിയേരി ഈങ്ങയില്‍ പീടികയില്‍ നിന്ന് ആരംഭിച്ച് അഞ്ചുവരെ തുടരും.