ദോഹ: ഖത്തര്‍ റെയില്‍ പുതിയ ജീവനക്കാരെ റിക്രൂട്ട് ചെയ്യുന്നുവെന്ന് കാണിച്ച് സോഷ്യല്‍ മീഡിയയില്‍ പ്രചരിക്കുന്ന ചിത്രം വ്യാജമാണെന്നും കമ്പനിക്ക് അതുമായി ബന്ധമില്ലെന്നും അധികൃതര്‍ അറിയിച്ചു. ബാക്ക്ഗ്രൗണ്ടില്‍ ഖത്തര്‍ റെയില്‍ ലോഗോയുമായി ഹോസ്പിറ്റാലിറ്റി(അതിഥി സ്വീകരണം) ജീവനക്കാര്‍ നില്‍ക്കുന്ന ചിത്രമാണ് സോഷ്യല്‍ മീഡിയയില്‍ കുറച്ച് ദിവസമായി പ്രചരിക്കുന്നത്. ഏതു രാജ്യക്കാര്‍ക്കും ഏത് ഡിഗ്രിയോ ഡിപ്ലോമയോ ഉള്ളവര്‍ക്കും അപേക്ഷിക്കാമെന്നും ചിത്രത്തില്‍ കാണിച്ചിട്ടുണ്ട്. ഇങ്ങനെയൊരു പരസ്യം പുറത്തുവിട്ടില്ലെന്ന് ഖത്തര്‍ റെയില്‍ അധികൃതര്‍ ട്വിറ്ററിലൂടെ അറിയിച്ചു.