ആദൂര്‍: ഏപ്രില്‍ ഒന്നിന് മുളേളരിയ ടൗണില്‍ നടക്കുന്ന എസ്.കെ.എസ്.എസ്.എഫ് മുള്ളേരിയ മേഖലാ സമ്മേളനത്തിന്റെ സന്ദേശയാത്ര നാളെ രാവിലെ 9ന് പള്ളപ്പാടി മഖാം സിയാറത്തോടെ ആരംഭിക്കും. മേഖലാ പരിധിയിലെ 21 കേന്ദ്രങ്ങളില്‍ പര്യടനം പൂര്‍ത്തിയാക്കി ദേലംപാടിയില്‍ യാത്ര സമാപിക്കും.
പള്ളപ്പാടി മഖാം സിയാറത്തിന് സയ്യിദ് പൂക്കുഞ്ഞി തങ്ങള്‍ മുള്ളേരിയ നേത്വത്വം നല്‍കും. ശാഫി ഉസ്താദ് കാനക്കോട് ജാഥാ ക്യാപ്റ്റന്‍ സയ്യിദ് എന്‍.പി.എം ജലാലുദ്ദീന്‍ തങ്ങള്‍ അല്‍ ബുഖാരി കുന്നുംകൈക്ക് പതാക കൈമാറി സന്ദേശയാത്ര ഉദ്ഘാടനം ചെയ്യും. ഇബ്രാഹിം അസ്ഹരി ഡയരക്ടറും സാദിഖ് ദാരിമി ആദൂര്‍ കോഡിനേറ്ററും മാഹിന്‍ ദാരിമി ഗാളിമുഖം, അസീസ് അസ്ഹരി ദേലംപാടി, ത്വയ്യിബ് കനക്കോട് എന്നിവര്‍ ഉപനായകരുമാണ്.
കിന്നിംഗാറില്‍ നടക്കുന്ന ഉദ്ഘാടന സമ്മേളനം സ്വാഗത സംഘം ചെയര്‍മാന്‍ എം.എ ഹാരിസ് മുള്ളേരിയ ഉദ്ഘാടനം ചെയ്യും. പള്ളിക്കുഞ്ഞി ഹാജി നാട്ടകല്‍ അധ്യക്ഷനാകും. ജില്ലാ ട്രഷറര്‍ സുഹൈര്‍ അസ്ഹരി പള്ളംകോട്. ഹാശിം ദാരിമി ദേലംപാടി, ഹാശിം അരിയില്‍, അഡ്വ. ഹനീഫ് ഹുദവി ദേലംപാടി, ഉമ്പു ഹാജി മഞ്ഞംപാറ, യൂസുഫ് ഹാജി പള്ളപ്പാടി, പി.എച്ച് അസ്ഹരി ആദൂര്‍, കെ.കെ അഷ്‌റഫ് ഫൈസി കിന്നിങ്കാര്‍, യൂസുഫ് മുസ്‌ലിയാര്‍, ഡി.കെ സലാം, അഷ്‌റഫ് ഫൈസി കിന്നിങ്കാര്‍, അബ്ദുറഹ്മാന്‍ ഫൈസി, ശരീഫ് മുള്ളേരിയ, റഫീഖ് കിന്നിങ്കാര്‍ സംസാരിക്കും.