തിരുവനന്തപുരം: മദ്രസകള്‍ അടച്ചുപൂട്ടാനുള്ള നിര്‍ദേശം മൗലികാവകാശങ്ങളുടെ ലംഘനമാണെന്ന് രമേശ് ചെന്നിത്തല. ഇത് ഭരണഘടനയുടെ ആര്‍ട്ടിക്കിള്‍ 29, 30 എന്നിവയുടെ ലംഘനമാണ്. മതവിദ്യാഭ്യാസത്തിനുള്ള അവകാശം ഭരണഘടന ഉറപ്പുനല്‍കുന്നുണ്ടെന്നും, മതപഠനം നടത്താന്‍ താല്പര്യമുള്ളവര്‍ക്ക് അതുകൂടി ഒപ്പം കൊണ്ടുപോകാനുള്ള സംവിധാനം നിലനിര്‍ത്തണമെന്നും ചെന്നിത്തല പറഞ്ഞു. 

ഇന്ത്യന്‍ ഭരണഘടന ന്യൂനപക്ഷങ്ങള്‍ക്ക് മതപഠനത്തിനു അവകാശം നല്‍കുന്നുണ്ട്.  ബാലാവകാശ കമ്മിഷന്‍ നടത്താന്‍ ശ്രമിക്കുന്നത് ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 29, 30 എന്നിവയുടെ ലംഘനമാണ്. കേരളം ഉള്‍പ്പെടെയുള്ള മിക്ക സംസ്ഥാനങ്ങളിലും മദ്രസകളില്‍ പഠിക്കുന്ന കുട്ടികള്‍ റഗുലര്‍ സ്‌കൂളുകളിലും പോകുന്നുണ്ട്. ഈ സാഹചര്യത്തില്‍ ഇവര്‍ക്ക് ഫോര്‍മല്‍ വിദ്യാഭ്യാസത്തിനുള്ള ചുറ്റുപാടുകള്‍ മദ്രസകളില്‍ വേണമെന്നാവശ്യപ്പടുന്നത് പ്രായോഗികമല്ല. മതവിദ്യാഭ്യാസത്തിനുള്ള അവകാശം ഭരണഘടന ഉറപ്പ് നല്‍കുന്ന ഒന്നാണെന്നും, മതപഠനം നടത്താന്‍ താല്‍പര്യമുള്ളവര്‍ക്ക് വിദ്യാഭ്യാസത്തിനു ഒപ്പം അത് കൂടി കൊണ്ടുപോകാനുള്ള സംവിധാനം നിലനിര്‍ത്തണമെന്നും ചെന്നിത്തല വ്യക്തമാക്കി.

Ramesh Chennithala condemns the proposal to shut down madrasas, labeling it a blatant infringement of fundamental rights. This move sparks concern over education and minority rights, affecting thousands of students relying on these institutions.