തിരുവനന്തപുരം: മുഖ്യമന്ത്രിയുടെ മകള്‍ വീണയ്‌ക്കെതിരായ അന്വേഷണത്തില്‍ പ്രതീക്ഷയില്ലെന്ന് മാത്യു കുഴല്‍നാടന്‍ എംഎല്‍എ. സിഎംആര്‍എല്‍-എക്‌സാലോജിക് കേസില്‍ വീണാ വിജയന്റെ മൊഴിയെടുത്ത സംഭവത്തില്‍ മാധ്യമങ്ങളോട് പ്രതികരിക്കുകയായിരുന്നു എംഎല്‍എ.

വീണയുടെ മൊഴി എടുത്തതില്‍ പ്രതീക്ഷയില്ലെന്നും, കേന്ദ്ര സര്‍ക്കാരിന്റെ നീക്കം വീണയെ സഹായിക്കാനാണെന്നും, ഈ വിഷയം ഗൗരവമായി കണ്ടിരുന്നെങ്കില്‍ കേന്ദ്ര സര്‍ക്കാര്‍ ഇ.ഡി അന്വേഷണം ഏര്‍പ്പെടുത്തുമായിരുന്നുവെന്നും അദ്ദേഹം പറഞ്ഞു. മുഖ്യമന്ത്രി ബിജെപിയും ആര്‍എസ്എസുമായും ഉണ്ടാക്കിയ അന്തര്‍ധാര സജീവമാണ്. പ്രതീക്ഷ കോടതിയില്‍ മാത്രമാണെന്നും അദ്ദേഹം പറഞ്ഞു.

ഹൈക്കോടതിയുടെ മുമ്പിലുണ്ടായിരുന്ന വസ്തുതകളെ അടിസ്ഥാനമാക്കി വിധി പറഞ്ഞിരുന്നുവെങ്കില്‍ അത് ഒരു പക്ഷെ എക്‌സാലോജിക്കിനും മുഖ്യമന്ത്രിയുടെ മകള്‍ക്കും തല്‍ഫലമായി മുഖ്യമന്ത്രിക്കും വലിയ തിരിച്ചടിയാകുമായിരുന്നു. ഈ ഘട്ടത്തിലാണ് കേന്ദ്രസര്‍ക്കാര്‍ അന്വേഷണം ഏറ്റെടുക്കുകയാണെന്ന് പ്രഖ്യാപിച്ചത്. അതേസമയം കേന്ദ്ര സര്‍ക്കാരിന് ആത്മാര്‍ഥത ഉണ്ടായിരുന്നെങ്കില്‍ നടപടി നേരെത്തെ ഉണ്ടാകുമായിരുന്നു. സത്യത്തിന് വേണ്ടിയുള്ള പോരാട്ടം തുടരുമെന്നും എംഎല്‍എ വ്യക്തമാക്കി.

ധാതുമണല്‍ ഖനനത്തിനും ഭൂമി കൈവശം വെക്കാനും സിഎംആര്‍എല്‍ എന്ന സ്വകാര്യ കമ്പനിക്ക് വഴിവിട്ട് സഹായം ചെയ്തതിലൂടെ മുഖ്യമന്ത്രിയുടെ മകളുടെ അക്കൗണ്ടിലേക്ക് മാസപ്പടി നല്‍കിയെന്നതടക്കം ആരോപണങ്ങള്‍ മാത്യുകുഴല്‍നാടന്‍ ഉന്നയിച്ചിരുന്നു.

Disappointment grows as the central government fails to provide adequate support to Neekkom Veenay, sparking widespread concern and debate. For more information on this developing story, consider searching online for updates.