കൊല്ലം: അഷ്ടമുടിക്കായലിലെ പ്ലാസ്റ്റിക് മാലിന്യങ്ങള്‍ നീക്കം ചെയ്യുന്നതിന് ശുചിത്വ മിഷനും ജില്ലാ കക്ക വാരല്‍ തൊഴിലാളി യൂനിയനും (സി.ഐ.ടി.യു) കൈകോര്‍ക്കുന്നു. ലോക പരിസ്ഥിതി ദിനമായ ജൂണ്‍ അഞ്ചിന് രാവിലെ എട്ടു മുതല്‍ ഉച്ചകഴിഞ്ഞ് മൂന്ന് വരെയാണ് പരിപാടി.
നൂറ് വള്ളങ്ങളില്‍ ചെറു സംഘങ്ങളായിട്ടാണ് പ്ലാസ്റ്റിക് നീക്കം നടത്തുക. ശേഖരിക്കുന്ന മാലിന്യം അന്നു തന്നെ നീണ്ടകരയിലെ ഷ്രെഡിംഗ് യൂനിറ്റിന് കൈമാറുമെന്ന് ഹരിതകേരളം മിഷന്‍ ജില്ലാ കോര്‍ഡിനേറ്റര്‍ അറിയിച്ചു.