പൊന്നാനി: കേന്ദ്രസര്‍ക്കാരിന്റെ ആദര്‍ശ് ശുദ്ധ് പദ്ധതിപ്രകാരം പൊന്നാനി വലിയപള്ളിയെ തീര്‍ഥാടന ടൂറിസത്തിന്റെ ഭാഗമായി തെരഞ്ഞെടുത്തു. ജില്ലയില്‍ നിന്നു തെരഞ്ഞെടുത്ത ഏക പള്ളി പൊന്നാനി വലിയ ജുമുഅത്ത് പള്ളിയാണ്. സംസ്ഥാന വഖഫ് ബോര്‍ഡാണ് ഈ പള്ളിയെ കേന്ദ്ര സര്‍ക്കാരിന്റെ ലിസ്റ്റിലേക്കു ശിപാര്‍ശ ചെയതത് .
അഞ്ചര നൂറ്റാണ്ടിലേറെ പഴക്കമുള്ള പള്ളി വാസ്തു ശില്പകലയിലെ അത്ഭുതമായി നിലകൊള്ളുന്ന അപൂര്‍വം ആരാധനാലയങ്ങളില്‍ ഒന്നാണ് . പൊന്നാനിക്ക് മലബാറിന്റെ മക്ക എന്ന വിശേഷണത്തിന് കാരണമായ ആരാധനാ കേന്ദ്രം കൂടിയാണിത് . വിദേശ രാജ്യങ്ങളില്‍ നിന്നടക്കം നിരവധി പേരാണു പള്ളി സന്ദര്‍ശിക്കുന്നതിനും ഇതിനു പിന്നിലെ ചരിത്രങ്ങളറിയുന്നതിനുമായി പൊന്നാനിയിലെത്തുന്നത് . രാജ്യത്തെ പൈതൃക സംരക്ഷണം ലക്ഷ്യമിട്ടു കൊണ്ടു വിനോദ സഞ്ചാര സാധ്യതകളെ ഉള്‍പ്പെടുത്തി നടപ്പിലാക്കുന്ന പദ്ധതിയാണ് ആദര്‍ശ് ശുദ്ധ് പദ്ധതി .
റമദാനില്‍ ഏറ്റവും തിരക്ക് അനുഭവപ്പെടുന്ന പള്ളിക്കൂടിയാണിത്. അവസാനപത്തില്‍ ദൂരദിക്കുകളില്‍ നിന്നടക്കം വിശ്വസികള്‍ ഭജനമിരിക്കാന്‍ ഈ പള്ളിയിലെത്തും. പുലരും വരെ പള്ളി വിശ്വാസികളാല്‍ നിറഞ്ഞിട്ടുണ്ടാ വും. ഒന്നാം സൈനുദ്ദീന്‍ മഖ്ദൂം നിര്‍മിച്ച ഈ പള്ളിക്കു ഭൂരിഭാഗവും മരമാണ് ഉപയോഗിച്ചിട്ടുള്ളത് . കൊത്തുപണികള്‍ കൊണ്ട് അലങ്കൃതമായ പള്ളി തനിമയോടെ നിലനിര്‍ത്താന്‍ പള്ളി കമ്മിറ്റി പ്രത്യേക ശ്രദ്ധയാണ് പുലര്‍ത്തുന്നത്. മതപഠനത്തിന്റെ പഠന രീതി മഖ്ദൂം ആദ്യമായി തുടങ്ങിയതും ഈ പള്ളിയില്‍ തന്നെ. വിളക്കത്തിരിക്കല്‍ എന്നാണ് ഇതിന് പറഞ്ഞിരുന്നത് . പള്ളിയെ സംബന്ധിച്ചു നിരവധി ഐതീഹ്യങ്ങള്‍ നിലനില്‍ക്കുന്നുണ്ട് . ലിഖിതമായ ചരിത്ര രേഖകള്‍ ഉണ്ടെങ്കിലും അതെല്ലാം സംരക്ഷിക്കാന്‍ ഇനിയും കഴിഞ്ഞിട്ടില്ല . പള്ളിയിലെ ഖുത്ബ് ഖാനയില്‍ നിന്നും കണ്ടെടുത്ത മഖ്ദൂമിന്റെ പ്രശസ്തമായ രചനകളുടെ കൈയ്യെഴുത്ത് കോപ്പികള്‍ സുരക്ഷിക്കാന്‍ ഇനിയും സാധിച്ചിട്ടില്ല . പള്ളി തീര്‍ഥാടന ടൂറിസത്തിന്റെ ഭാഗമാകുന്നതോടെ പൊന്നാനിയുടെ ചരിത്രവും പള്ളിയുടെ വൈജ്ഞാനിക സംഭാവനകളും കൂടുതല്‍ ചര്‍ച്ചയാകും. പള്ളിയെ തീര്‍ഥാടന