കോഴിക്കോട്: കാലിക്കറ്റ് പ്രസ് ക്ലബിന്റെ 2015ലെ ജനറല്‍ റിപ്പോര്‍ട്ടിങിനുള്ള കെ.സി മാധവകുറുപ്പ് അവാര്‍ഡിന് എം. ജയതിലകന്‍ (സീനിയര്‍ റിപ്പോര്‍ട്ടര്‍, മംഗളം ദിനപത്രം കോഴിക്കോട്) അര്‍ഹനായി. 2015 ഡിസംബര്‍ 21 മുതല്‍ 25 വരെ മംഗളത്തില്‍ പ്രസിദ്ധീകരിച്ച 'നദികള്‍ക്കു ബലിയിടാം' എന്ന പരമ്പരയാണ് അവാര്‍ഡിനര്‍ഹമായതെന്ന് പ്രസ്‌ക്ലബ് പ്രസിഡന്റ് കമാല്‍ വരദൂര്‍, സെക്രട്ടറി എന്‍. രാജേഷ് എന്നിവര്‍ അറിയിച്ചു. 10,000 രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്.