കല്‍പ്പറ്റ: അന്യായമായി പിടിച്ചെടുത്ത ഭൂമി കാഞ്ഞിരങ്ങാട് കാഞ്ഞിരത്തിനാല്‍ കുടുംബത്തിനു വിട്ടുകൊടുക്കാതിരിക്കുന്നതിനു വനം വകുപ്പ് തുടര്‍ച്ചയായി കുതന്ത്രങ്ങള്‍ പ്രയോഗിക്കുന്നതില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ സിവില്‍ സ്റ്റേഷന്‍ പരിസരത്ത് കല്‍പ്പറ്റ റെയ്ഞ്ച് ഫോറസ്റ്റ് ഓഫിസറെ വഴിതടഞ്ഞു.
കഴിഞ്ഞ ദിവസം ഉച്ചക്ക് ശേഷം 3.30 ഓടെയാണ് സംഭവം. വിവരമറിഞ്ഞെത്തിയ കല്‍പ്പറ്റ എസ്.ഐ ഡിവിഷണല്‍ ഫോറസ്റ്റ് ഓഫിസറുമായി ബന്ധപ്പെടുകയും ചര്‍ച്ചക്ക് അവസരം ഒരുക്കാമെന്ന് സമരക്കാരെ അറിയിക്കുകയും ചെയ്തതിനെതുടര്‍ന്നാണ് റെയ്ഞ്ച് ഓഫിസറെ മോചിപ്പിച്ചത്. യൂത്ത് കോണ്‍ഗ്രസ് നിയോജക മണ്ഡലം പ്രസിഡന്റ് പി.പി റനീഷ്, വൈസ് പ്രസിഡന്റ് മുഹമ്മദ് അജ്മല്‍, സാലി റാട്ടക്കൊല്ലി, അജയ് ജോസ് പാറപ്പുറം, മധു കോട്ടത്തറ, കെ.പി ഹൈദര്‍ അലി, രോഹിത്ത് ബോധി, ജാസ്‌വിന്‍, പി.ബി ബിനുകുമാര്‍, ടോണി പുന്നല്‍ എന്നിവര്‍ നേതൃത്വം നല്‍കി.