പടന്നക്കാട്: പടന്നക്കാട് കാര്‍ഷിക കോളജിലെ വിവിധ പദ്ധതികളുടെ ഉദ്ഘാടനം നടന്നു. അതിഥി മന്ദിരം, ട്രെയിനീസ് ഹോസ്റ്റല്‍, പോസ്റ്റ് ഗ്രാജ്വേറ്റ് ലാബ് രണ്ടാം ഘട്ടം, അവശിഷ്ട കീടനാശിനി പരിശോധനാ ലബോറട്ടറി, മൈക്രോബയോളജി ലബോറട്ടറി എന്നിവ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. സംരക്ഷിത കൃഷി യൂനിറ്റിനു കൃഷിമന്ത്രി വി.എസ് സുനില്‍കുമാര്‍ തറക്കല്ലിട്ടു. റവന്യൂമന്ത്രി ഇ ചന്ദ്രശേഖരന്‍ അധ്യക്ഷനായി. സ്റ്റാര്‍ട്ടപ്പ് മിഷന്‍ പി കരുണാകരന്‍ എം.പി ഉദ്ഘാടനം ചെയ്തു. വൈസ് ചാന്‍സിലര്‍ പി രാജേന്ദ്രന്‍ റിപ്പോര്‍ട്ട് അവതരിപ്പിച്ചു. എം രാജഗോപാലന്‍ എം.എല്‍.എ, മറ്റു ജനപ്രതിനിധികള്‍, വിവിധ രാഷ്ട്രീയ കക്ഷി നേതാക്കള്‍, ഉദ്യോഗസ്ഥര്‍ സംസാരിച്ചു.