പാവറട്ടി: ജനത്തില്‍ ഒരുമിച്ച ഹുദയും ഹംനയും ഹാദിയയും നാളെ ഒരുമിച്ചു സ്‌കൂളിലേക്ക്.
നമ്പഴിക്കാട് രായംമരക്കാര്‍ വീട്ടില്‍ ആര്‍.കെ അബുവിന്റെയും എന്‍.കെ മുംതാസിന്റെയും മക്കളായ ഇവര്‍ കളിയുടെയും ചിരിയുടെയും കൂടെ ഇനി പഠനത്തിനായി നാളെ മറ്റം സെന്റ് അസംപ്ഷന്‍ കോണ്‍വെന്റിലെത്തുമ്പോള്‍ ആരിലും കൗതുകമുണര്‍ത്തും.
കാഴ്ചയിലും പ്രവര്‍ത്തനങ്ങളിലും സ്വഭാവത്തിലുമെല്ലാം ഒരു പോലെയായ ഈ മൂവര്‍ സംഘത്തെ പരസ്പരം തിരിച്ചറിയാന്‍ അധ്യാപകര്‍ കുറച്ചു നാളെങ്കിലും കഷ്ടപെടേണ്ടി വരും. വീട്ടുകാരുടെയും കുടുംബക്കാരുടെയും ഓമനകളായ ഇവര്‍ പൈങ്കണ്ണിയൂര്‍ എന്‍.കെ അബ്ദുല്‍ ഖാദര്‍ മാസ്റ്ററുടെ പേരക്കുട്ടികളാണ്.