ചെന്നൈ: നിങ്ങളുടെആധാര്‍ കാര്‍ഡിലെ വിവരങ്ങള്‍ ബാങ്ക് അക്കൗണ്ട് വിവരങ്ങള്‍ ഉള്‍പ്പെടെ യോജിപ്പിച്ചിട്ടുണ്ടെങ്കില്‍ ആ വിവരടങ്ങളടക്കം ചോര്‍ന്ന് പോയേക്കാമെന്ന് സര്‍ക്കാര്‍ സമ്മതിക്കുന്നു.
ആദ്യമായാണ് മോദി സര്‍ക്കാര്‍ ഇക്കാര്യം സമ്മതിക്കുന്നത്. പൗരന്റെ സ്വകാര്യ വിവരങ്ങള്‍, ആധാര്‍ നമ്പര്‍, ഗൗരവപരമായ മറ്റ് വിവരങ്ങള്‍ എല്ലാം ചോരാന്‍ സാധ്യതയുണ്ടെന്നാണ് സമ്മതിച്ചത്.
ഐടി, ഇലക്ട്രോണിക്‌സ് മന്ത്രാലയത്തില്‍ നിന്ന് എക്‌സ്പ്രസ് ന്യൂസ് സര്‍വിസിന് ലഭിച്ച കത്തിലാണ് ഇക്കാര്യം വ്യക്തമാക്കിയിട്ടുള്ളത്. പല മന്ത്രാലയത്തിന്റെയും പ്രവര്‍ത്തനത്തിന് വേണ്ടി ആധാര്‍ കാര്‍ഡുമായി ബന്ധപ്പെടുത്തിയിട്ടുണ്ട്. ഇപ്പോള്‍ അത് ഓണ്‍ലൈനായി പലയിടത്തും ലഭിക്കുന്നുണ്ടെന്ന് റിപ്പോര്‍ട്ടുകളുണ്ടെന്നും കത്തില്‍ പറയുന്നു.
ആധാര്‍ വിവരങ്ങള്‍ ചോര്‍ത്തിയാല്‍ നിയമ പ്രകാരം മൂന്ന് വര്‍ഷം തടവ് ശിക്ഷ ഉള്ളപ്പോഴാണ് പലരുടെയും വിവരങ്ങള്‍ ഓണ്‍ലൈനില്‍ ലഭിക്കുന്നത്.ഏറ്റവും അവസാനം ക്രിക്കറ്റ് താരം ധോണിയുടെ ആധാര്‍ വിവരങ്ങള്‍ പുറത്തായിരുന്നു.അതേ സമയം ആധാര്‍ വിവരശേഖരണം നടപ്പിലാക്കുന്ന യുഐഡിഎഐ രാജ്യത്തെ ഓരോ പൗരന്റെ വിവരങ്ങളും പൂര്‍ണ്ണമായും സുരക്ഷിതമാണെന്നുംയാതൊരു കാരണവശാലവും ചോരുകയില്ലെന്നും പറഞ്ഞിരുന്നു.