വാഷിങ്ടണ്‍: ഇറാനെതിരായ ഏകപക്ഷീയ ആക്രമണത്തില്‍ പ്രതിഷേധിച്ച് അമേരിക്കന്‍ നാഷണല്‍ കൗണ്ടര്‍ ടെററിസം സെന്റര്‍ ഡയറക്ടര്‍ രാജിവെച്ചു. പ്രസിഡന്റ് ഡൊണാള്‍ഡ് ട്രംപിനയച്ച രാജിക്കത്തിലാണ് ഡയറക്ടര്‍ ജോസഫ് കെന്റ് ഇക്കാര്യം വ്യക്തമാക്കിയത്. ഇസ്‌റാഈലും, അമേരിക്കയിലെ ചില ലോബികളും പ്രചരിപ്പിക്കുന്നത് പോലെ ഇറാന്‍ അമേരിക്കയ്ക്ക് പെട്ടെന്നുള്ള ഭീഷണിയൊന്നും ഉയര്‍ത്തുന്നില്ലെന്നും, ഇവരുടെ സമ്മര്‍ദത്തിന് വഴങ്ങിയാണ് അമേരിക്ക ഈ യുദ്ധത്തിലേക്ക് എടുത്ത് ചാടിയതെന്നും കെന്റ് വ്യക്തമാക്കി.

ALSO READ: പാചകവാതകക്ഷാമം: തിങ്കളാഴ്ച ഹോട്ടലുകൾ അടച്ചിടും; ഹോട്ടൽ ആൻഡ് റസ്റ്ററന്റ് അസോസിയേഷൻ 

പശ്ചിമേഷ്യയിലെ യുദ്ധങ്ങള്‍ അമേരിക്കയുടെ സമ്പത്തും, സൈനികരുടെ ജീവനും നഷ്ടപ്പെടുത്തുന്ന ഒന്നാണെന്ന് ട്രംപ് മുന്‍പ് മനസിലാക്കിയിരുന്നു. എന്നാല്‍ ഇപ്പോള്‍ ചില തെറ്റായ വിവരങ്ങളുടെ അടിസ്ഥാനത്തിലാണ് ഇപ്പോള്‍ യുദ്ധത്തിന് പുറപ്പെട്ടത്. തന്റെ മനസാക്ഷിക്ക് വിരുദ്ധമായി ഈ യുദ്ധത്തെ പിന്തുണയ്ക്കാന്‍ കഴില്ല, കെന്റ് വ്യക്തമാക്കി. ഇറാനിലെ സൈനിക നടപടിയില്‍ പ്രസിഡന്റ് പുനര്‍ചിന്ത നടത്തണം. രാജ്യം നശിക്കുന്നതിന് മുന്‍പ് ആവശ്യമായ തിരുത്തലുകള്‍ നടത്തണം. കെന്റ് ആവശ്യപ്പെട്ടു. 

അമേരിക്കയിലെ ഉയര്‍ന്ന സൈനിക ഉദ്യോഗസ്ഥനായ കെന്റിന്റെ ഭാര്യ മുന്‍പ് സിറിയയില്‍ വെച്ച് ഐസിസ് നടത്തിയ ചാവേര്‍ ആക്രമണത്തില്‍ കൊല്ലപ്പെട്ടിരുന്നു. ഈ വിവരം കൂടി ചൂണ്ടിക്കാട്ടിയ അദ്ദേഹം ഇസ്‌റാഈല്‍ നിര്‍മ്മിതമായ ഇത്തരം യുദ്ധങ്ങളില്‍ ഇനിയൊരു തലമുറ കൂടി ബലിയാടാകുന്നത് അനുവദിക്കരുതെന്നും ആവശ്യപ്പെട്ടു. 

The Director of the U.S. National Counterterrorism Center resigned in protest against the attack on Iran.