തിരുവനന്തപുരം: സംസ്ഥാന ജൈവവൈവിധ്യ ബോര്‍ഡിന്റെ 2016 ലെ ജൈവവൈവിധ്യ പുരസ്‌കാരങ്ങള്‍ പ്രഖ്യാപിച്ചു. വിവരങ്ങള്‍ ചുവടെ: മികച്ച പരിസ്ഥിതി സംരക്ഷകന്‍- വി.കെ മധുസൂദനന്‍ (കൊല്ലം), മികച്ച ജൈവകര്‍ഷകന്‍- അഗസ്തി പെരുമാട്ടിക്കുന്നേല്‍ (കാസര്‍കോട്), നാടന്‍ കന്നുകാലികളുടെ സംരക്ഷകന്‍- ഹരിഹരി അയ്യന്‍ (തൃശൂര്‍), നാടന്‍ വിളയിനങ്ങളുടെ സംരക്ഷകന്‍- എന്‍.എം ഷാജി (വയനാട് ), നാട്ടറിവുകളുടെ സംരക്ഷകന്‍-പി. അപ്പുക്കുട്ടന്‍ കാണി വൈദ്യര്‍ (തിരുവനന്തപുരം), ജൈവവൈവിധ്യ സംരക്ഷണ രംഗത്തെ മികച്ച സംഘടന- കണ്ണൂരിലെ കേരളാ ഇനിഷ്യേറ്റീവ് ടു സേവ് അഗ്രികള്‍ച്ചറല്‍ ആന്‍ഡ് നേച്ചര്‍, മികച്ച ജൈവവൈവിധ്യ ഗവേഷകന്‍-ഡോ. കെ.കെ ജോഷി (സെന്‍ട്രല്‍ മറൈന്‍ ഫിഷറീസ് റിസര്‍ച്ച് ഇന്‍സ്റ്റിറ്റ്യൂട്ട് പ്രിന്‍സിപ്പല്‍ സയന്റിസ്റ്റ് ), മികച്ച ജൈവവൈവിധ്യ ഡോക്യുമെന്ററി- സുബിതാ സുകുമാര്‍(ജീവന്‍ ടി.വി), മികച്ച ജൈവവൈവിധ്യ മാധ്യമ പ്രവര്‍ത്തകന്‍- ഇ ഉണ്ണിക്കൃഷ്ണന്‍(കണ്ണൂര്‍), കോളജ് വിഭാഗം- ചിറ്റൂര്‍ ഗവണ്‍മെന്റ് കോളജ്, പാലക്കാട് ). 50000 രൂപയും, ഫലകവും, പ്രശസ്തി പത്രവുമാണ് പുരസ്‌കാരങ്ങള്‍. ഹൈസ്‌കൂള്‍ഹയര്‍ സെക്കന്‍ഡറി വിഭാഗത്തില്‍ കെ.എച്ച്.എം എച്ച്.എസ്.എസ് വാളക്കുളവും (മലപ്പുറം), വി.വി.എച്ച്.എസ്.എസ് താമരക്കുളവും(ആലപ്പുഴ) അവാര്‍ഡ് നേടി. 25000 രൂപയും ഫലകവും, പ്രശസ്തി പത്രവുമാണ് ലഭിക്കുക.