മനാമ: ബഹ്‌റൈനിലെ ജ്വല്ലറി ഉടമയില്‍ നിന്ന് 17,182,30 രൂപയുടെ (ഏകദേശം 10,000 ബഹ്‌റൈന്‍ ദിനാര്‍) സ്വര്‍ണം കവര്‍ന്നതായി പരാതി. ബഹ്‌റൈന്‍ തലസ്ഥാനമായ മനാമയിലെ ജാവേദ് ഹൗസിന് എതിര്‍വശത്താണ് സംഭവമുണ്ടായത് . ഇവിടെ ജ്വല്ലറി നടത്തുന്ന രജനികാന്ത് കിച്ചാഡിയ എന്ന 59കാരന്റെ സ്വര്‍ണമാണ് ഇന്നലെ ഒരു സംഘം കവര്‍ന്നത്. നാല് പേരടങ്ങുന്ന സംഘം രജനികാന്തിനെ മര്‍ദിച്ച ശേഷം കൈവശമുണ്ടായിരുന്ന സ്വര്‍ണവുമായി കടന്നു കളയുകയായിരുന്നു. മര്‍ദനത്തില്‍ ഇയാളുടെ തലയ്ക്ക് പരുക്കേറ്റിട്ടുണ്ട്. പൊലിസ് കേസെടുത്ത് അന്വേഷണമാരംഭിച്ചു.