വാണിമേല്‍: പ്രൈമറി വിദ്യാര്‍ഥികള്‍ക്കായി ആരംഭിച്ച സവിശേഷ പരിശീലന പദ്ധതിയായ ടാലന്റ് സ്‌കാന്റെ ആഭിമുഖ്യത്തില്‍ വാണിമേല്‍ ദാറുല്‍ ഹുദാ ടി.ടി.ഐയില്‍ ഇഫ്താര്‍ സംഗമം സംഘടിപ്പിച്ചു. വാണിമേല്‍ ഗ്രാമപഞ്ചായത്ത് പ്രസിഡന്റ് ഒ.സി ജയന്‍ ഉദ്ഘാടനം ചെയ്തു. ജഅ്ഫര്‍ വാണിമേല്‍ ഇഫ്താര്‍ സന്ദേശം നല്‍കി. അശ്‌റഫ് കൊറ്റാല, ഷാജീവന്‍, നടുത്തറ റഫീഖ്, സി.വി അശ്‌റഫ്, റഹ്മത്ത് സംസാരിച്ചു.
എടച്ചേരി: ഓര്‍ക്കാട്ടേരി മല്‍ജഉല്‍ മസാക്കീന്‍ യതീംഖാനയില്‍ സംഘടിപ്പിച്ച ഇഫ്താര്‍ സംഗമം ശ്രദ്ധേയമായി. നാലായിരത്തില്‍പ്പരം ആളുകള്‍ പങ്കെടുത്ത പരിപാടി രാത്രി മുഴുവന്‍ നീണ്ടുനിന്നു.
രാത്രി നടന്ന ആത്മീയ സദസില്‍ റിയാസ് മന്നാനി തിരുവനന്തപുരം പ്രഭാഷണം നടത്തി. സയ്യിദ് ഹൈദ്രോസ് തുറാബ് തങ്ങള്‍ അധ്യക്ഷനായി. ബീരാന്‍ ഹാജി, പോടന്‍കുനി കുഞ്ഞബ്ദുല്ല ഹാജി, ഗോള്‍ഡ് സിറ്റി ഇബ്‌റാഹിം ഹാജി, പി.പി ഉമ്മര്‍ ഹാജി, എ.വി അബൂബക്കര്‍ മൗലവി, എം.കെ യൂസുഫ് ഹാജി, ഹാരിസ് റഹ്മാനി തിനൂര്‍ സംസാരിച്ചു.