കൊണ്ടോട്ടി: കരിപ്പൂരില്‍ നിന്ന് അബൂദബിയിലേക്ക് ഇത്തിഹാദ് എയര്‍വേയ്‌സ് ഇന്നു മുതല്‍ പുതിയ ഒരു സര്‍വിസ് കൂടി തുടങ്ങും. നിലവില്‍ പ്രതിദിനം മൂന്ന് സര്‍വിസുകള്‍ നടത്തുന്നതിനു പുറമെയാണ് ദിനേന ഓരോ സര്‍വിസ് കൂടി വര്‍ധിപ്പിക്കുന്നത്.
ഉച്ചക്ക് 3.25ന് അബൂദബിയില്‍ നിന്നെത്തുന്ന വിമാനം വൈകിട്ട് 4.30ന് തിരിച്ചു പോകും. ഇത്തിഹാദിന്റെ ആദ്യവിമാനം അബൂദബിയില്‍ നിന്ന് കരിപ്പൂരിലെത്തുന്നത് പുലര്‍ച്ചെ 3.45നാണ്. രണ്ടാമത്തെ വിമാനം അബൂദബിയില്‍ നിന്ന് രാവിലെ 8.35നെത്തി 9.40ന് തിരിച്ചു പോകും. രാത്രി 9.10ന് എത്തുന്ന മറ്റൊരു വിമാനം 10.15ന് തിരിക്കും.