കുന്ദമംഗലം: വൈദ്യുതിവെളിച്ചം സ്വപ്നം കണ്ട് കഴിഞ്ഞിരുന്ന രണ്ട് നിര്‍ധന കുടുംബങ്ങള്‍ക്ക് വൈദ്യുതി ജീവനക്കാര്‍ സൗജന്യമായി വയറിങ് നടത്തി വൈദ്യുതി നല്‍കി. കെ.എസ്.ഇ.ബി വര്‍ക്കേഴ്‌സ് അസോസിയേഷന്‍ കട്ടാങ്ങല്‍ യൂനിറ്റിന്റെ ആഭിമുഖ്യത്തിലാണ് ജോലികള്‍ പൂര്‍ത്തിയാക്കി വൈദ്യുതി നല്‍കിയത്. സങ്കേതം കുനിയാംപറമ്പത്ത് സരോജിനി, തത്തമ്മ പറമ്പില്‍ കല്ല്യാണി എന്നിവരുടെ വീടുകളില്‍ വൈദ്യുതി എത്തി. പി.പ്രസാദ് സ്വിച്ച് ഓണ്‍ കര്‍മ്മം നിര്‍വഹിച്ചു.വാര്‍ഡ്‌മെമ്പര്‍ ഷീജ, അസി.എന്‍ജിനിയര്‍ സുനില്‍കുമാര്‍, രാജന്‍ എന്നിവര്‍ പ്രസംഗിച്ചു. പി.കെ.ചാത്തുക്കുട്ടി അധ്യക്ഷനായി. പ്രമീഷ് സ്വാഗതവും വേണുഗോപാല്‍ നന്ദിയും പറഞ്ഞു.