അടിമാലി: അമിത വേഗതയില്‍ എത്തിയ ബൈക്ക് ഇടിച്ച് കാല്‍നടക്കാരന്‍ ഉള്‍പ്പെടെ മൂന്ന് പേര്‍ക്ക് ഗുരുതരമായി പരുക്കേറ്റു. ഇഞ്ചപതാല്‍ കണക്കന്‍ചേരിയില്‍ അരുണ്‍രാജ് (33), മച്ചിപ്ലാവ് വെള്ളാപ്പിള്ളിയില്‍ ജിതിന്‍(24), അടിമാലി സ്വദേശി ഷിഹാബ് എന്നവര്‍ക്കാണ് പരുക്കേറ്റത്.
ഇന്നലെ ഉച്ചയോടെയാണ് അപകടം. അടിമലി വിറ്റി ജംഗ്ഷനിലെ എ.ടി.എം കൗണ്ടറില്‍ നിന്നും പണം പിന്‍വലിച്ച് റോഡിലേക്ക് ഇറങ്ങിയ അരുണ്‍രാജിനെ അമിത വേഗത്തില്‍ എത്തിയ ബൈക്ക് ഇടിച്ച് തെറിപ്പിക്കുകയായിരുന്നു. തുടര്‍ന്നാണ് ജിതിനേയും ഷിഹാബിനേയും ഇടിച്ചത്. അരുണിനേയും,ജിതിനേയും ആലുവ രാജഗിരി ആശുപത്രിയില്‍ പ്രവേശിപ്പിച്ചു.