പാരിസ്: ഫ്രഞ്ച് ഓപണിന്റെ പുരുഷ വിഭാഗം സിംഗിള്‍സില്‍ നവോക് ദോക്യോവിച്ചിനെ ഇറ്റാലിയന്‍ താരമായ മാര്‍ക്കോ ചെക്കിനാറ്റോ തോല്‍പിച്ച് ചെക്കിനാറ്റോ സെമിഫൈനലില്‍ പ്രവേശിച്ചു. സെമിയില്‍ ആസ്ട്രിയയുടെ ഡൊമിനിക് തീമിനെ ചെക്കിനാറ്റോ നേരിടും. 6-3, 7-6 (7-4), 1-6, 7-6 (13-11) എന്നീ സെറ്റുകള്‍ക്കാണ് ദോക്യോവിച്ചിനെ തോല്‍പിച്ചത്. മറ്റൊരു ക്വാര്‍ട്ടര്‍ മത്സരത്തില്‍ അലക്‌സാണ്ടര്‍ സെവ്‌റേവിനെ പരാജയപ്പെടുത്തി ആസ്ട്രിയയുടെ ഡൊമനിക് തീം സെമിയില്‍ പ്രവേശിച്ചു. 6-4, 6-2, 6-1 എന്നീ സെറ്റുകള്‍ക്കായിരുന്നു തീമിന്റെ ജയം. വനിതാ വിഭാഗം സിഗ്ള്‍സില്‍ അമേരിക്കയുടെ സ്റ്റീവന്‍സ് സെമിയില്‍ പ്രവേശിച്ചു. റഷ്യയുടെ കസാറ്റ്കിനയെ 6-3, 6-1 എന്നീ സെറ്റുകള്‍ക്ക് പരാജയപ്പെടുത്തിയാണ് താരം സെമിയില്‍ പ്രവേശിച്ചത്. പുരുഷ വിഭാഗം ഡബ്ള്‍സില്‍ ഇന്ത്യയുടെ രോഹന്‍ ബോപ്പണ്ണ, റോജര്‍ വസ്‌ലിന്‍ സഖ്യം പരാജയപ്പെട്ടു. കാനഡയുടെ പിയ, മെകിറ്റിച്ച് സഖ്യത്തിനോട് ബൊപ്പണ്ണ സഖ്യം പരാജയപ്പെട്ടത്. 6-7 (4-7), 2-6 എന്നീ സെറ്റുകള്‍ക്കായിരുന്നു ബൊപ്പണ്ണ സഖ്യത്തിന്റെ പരാജയം. മറ്റൊരു പുരുഷ വിഭാഗം ഡബിള്‍സില്‍ കൊളംബിയയുടെ കാബല്‍, ഫറാഹ് സഖ്യത്തെ കാനഡയുടെ മറാച്ച്, പാവിക് സഖ്യം പരാജയപ്പെടുത്തു. വനിതാ വിഭാഗം ഡബിള്‍സില്‍ റൊമേനിയല്‍ സഖ്യമായ ബെസുറന്‍സ്, ബാറ സഖ്യത്തെ ചൈനയുടെ ചാന്‍, യങ്ങ് സഖ്യം പരാജയപ്പെടുത്തി. 3-6, 6-1, 4-6 എന്നീ സെറ്റുകള്‍ക്കാണ് ചൈനാ സഖ്യം ജയം സ്വന്തമാക്കിയത്. ക്രെചിക്കോവ, സിനിക്കോവ സഖ്യത്തെ സ്‌പെയിനിന്റെ മാര്‍ട്ടിനെസ് സാഞ്ചസ്, കാല്‍പെക് സഖ്യത്തെ തോല്‍പിച്ചു. 6-3, 6-3 എന്ന സെറ്റുകള്‍ക്കാണ് സഖ്യം പരാജയപ്പെട്ടത്.