എരുമപ്പെട്ടി: ജീവകാരുണ്യ, സാമൂഹിക സംഘടനയായ ഷെല്‍ട്ടര്‍ പന്നിത്തടത്തിന്റെ നേതൃത്വത്തില്‍ റമാദാന്‍ കിറ്റ് വിതരണം ചെയ്തു.
വിവിധ മതവിഭാഗത്തില്‍പ്പെട്ട 180 നിര്‍ധന കുടുംബങ്ങള്‍ക്കാണ് റമാദാന്‍ കിറ്റ് നല്‍കിയത്. ഷെല്‍ട്ടര്‍ പ്രവര്‍ത്തകര്‍ വീടുകളിലെത്തിയാണ് കിറ്റുകള്‍ നല്‍കുന്നത്. ഷെല്‍ട്ടര്‍ പ്രസിഡന്റ് ഷറഫുദ്ധീന്‍ പന്നിത്തടം പ്രവര്‍ത്തകര്‍ക്ക് കിറ്റ് കൈമാറി വിതരണോദ്ഘാടനം നിര്‍വഹിച്ചു.
മാധ്യമ സാമൂഹിക പ്രവര്‍ത്തകന്‍ എ.എം.റഷീദ് മുഖ്യാതിഥിയായി.
ഷെല്‍ട്ടര്‍ ഭാരവാഹികളായ എ.എച്ച് റഫീക്ക്, എ.വി സന്തോഷ്, ആര്‍.എഫ് മുജീബ്, എ.എം. ഷെജീര്‍, കെ.എ.സത്താര്‍ നേതൃത്വം നല്‍കി.