റിയാദ്: സഊദിയിലേക്ക് നാട്ടിലുള്ളവരുടെ മടക്കം രാജ്യം  കൊവിഡ് മുക്തമെന്ന് പ്രഖ്യാപിച്ചതിന് ശേഷം മാത്രമായിരിക്കുമെന്ന് വിദേശ കാര്യ മന്ത്രാലയം. ഇതോടെ, ജോലി ചെയ്യുന്നതിനിടെ നാട്ടില്‍ റീ എന്‍ട്രിയില്‍ പോയവരുടെ മടക്കം വൈകുമെന്ന് വ്യക്തമായി. സഊദി അറേബ്യ  കൊവിഡ് മുക്തമായെന്ന്  ആരോഗ്യമന്ത്രാലയം പ്രഖ്യാപിച്ചാല്‍ മാത്രമേ റീ എന്‍ട്രിയില്‍ പോയവര്‍ക്ക് രാജ്യത്തേക്ക് തിരിച്ചുവരാനാവുകയുള്ളൂവെ 

ന്നാണ് ആഭ്യന്തര മന്ത്രാലയം വ്യക്തമാക്കിയത്. 

      മാര്‍ച്ച് 15 മുതല്‍ സഊദി എല്ലാ അന്താരാഷ്ട്ര വിമാന സര്‍വീസുകളും നിര്‍ത്തിവെച്ചതോടെയാണ് റീ എന്‍ട്രിയില്‍ പോയവര്‍ വിദേശരാജ്യങ്ങളില്‍ കുടുങ്ങിയത്. അതിനിടെ നാട്ടിലുള്ളവരുടെ റീ എന്‍ട്രിയും ഇഖാമയും കാലാവധി അവസാനിച്ചാലും നീട്ടിനല്‍കുമെന്ന് വ്യക്തമാക്കുകയും ജൂണ്‍ 30 നുള്ളില്‍ കാലാവധി അവസാനിക്കുന്ന എല്ലാവരുടെയും ഇഖാമ സൗജന്യമായി മൂന്നു മാസത്തേക്ക് പുതുക്കി നല്‍കുകയും ചെയ്തിട്ടുണ്ട്. നേരത്തെ റീ എന്‍ട്രി അടിച്ച് സഊദി വിടാത്തവർക്ക് 3 മാസത്തേക്ക് റീ എന്‍ട്രിയും പുതുക്കി നല്‍കുന്നതിന് ഭരണകൂടം നിർദേശം നൽകിയിട്ടുണ്ട്.